கியூபெக் மாகாணத்தின் முக்கிய தொகுதிகளில் ஒன்றான ஷெர்புரூக் (Sherbrooke) தொகுதியை மீண்டும் தனது வசமாக்க லிபரல் கட்சி (Liberal Party) தீவிர நடவடிக்கைகளை எடுத்து வருகிறது.
ஒரு காலத்தில் லிபரல் கட்சியின் அசைக்க முடியாத கோட்டையாக விளங்கிய ஷெர்புரூக் தொகுதி, கடந்த 2018 ஆம் ஆண்டில் இடம்பெற்ற தேர்தலில் ‘கியூபெக் சொலிடேர்’ (Québec Solidaire) கட்சியிடம் வீழ்ந்தது.
குறிப்பாக, முன்னாள் பிரீமியர் ஜான் சாரிஸ்ட் (Jean Charest) நீண்ட காலம் பிரதிநிதித்துவப்படுத்திய இந்தத் தொகுதியை மீண்டும் வெல்வது லிபரல் கட்சிக்கு கௌரவப் பிரச்சினையாக மாறியுள்ளது.
இந்த முறை வாக்காளர்களைக் கவர்வதற்கு, லிபரல் கட்சி மூன்று முக்கிய அம்சங்களில் கவனம் செலுத்துகிறது.
அதிகரித்து வரும் வாழ்க்கைச் செலவினங்களைக் கட்டுப்படுத்த புதிய திட்டங்களை முன்னெடுத்தல், உள்ளூர் மருத்துவமனைகளில் நிலவும் நீண்ட காத்திருப்பு நேரத்தைக் குறைத்தல் மற்றும் மருத்துவ வசதிகளை மேம்படுத்துதல். மற்றும் ஷெர்புரூக் மண்ணின் மைந்தர் ஒருவரை வேட்பாளராக நிறுத்தி மக்களின் நம்பிக்கையைப் பெறுதல் முதலான மூன்று அம்சங்களிலும் லிபரல் கட்சி தீவிரமாகச் செயலாற்றுகின்றது.
ஷெர்புரூக்கில் உள்ள அதிகப்படியான மாணவர் சமூகம் மற்றும் நகர்ப்புற வாக்காளர்கள் மத்தியில் ‘கியூபெக் சொலிடேர்‘ கட்சி இப்போதும் செல்வாக்குடன் உள்ளமை குறிப்பிடத்தக்கது.
