மொன்றியலின் வெஸ்ட் ஐலண்ட் (West Island) பகுதியில் புதிதாகத் திறக்கப்படவுள்ள REM ரயில் நிலையங்களில், இந்த வார இறுதியில் பொதுமக்கள் இலவசமாகப் பயணம் செய்யலாம் என அறிவிக்கப்பட்டுள்ளது.
அன்சே-ஆ-லோர்ம் (Anse-à-l’Orme) கிளையின் தொடக்கத்தைக் கொண்டாடும் வகையில், எதிர்வரும் 16 ஆம் திகதி மற்றும் 17 ஆம் திகதி ஆகிய இரண்டு நாட்களும் பொதுமக்கள் கட்டணமின்றி ரயிலில் பயணிக்கலாம் எனத் தெரிவிக்கப்பட்டுள்ளது.
இந்த இலவசச் சேவை காலை 9 மணி முதல் மாலை 6 மணி வரை மட்டுமே அமலில் இருக்கும் என அந்த அறிவித்தலில் குறிப்பிடப்பட்டுள்ளது.
வெஸ்ட் ஐலண்ட் பகுதியில் புதிதாக அமைக்கப்பட்டுள்ள டெஸ் சோர்சஸ் (Des Sources), ஃபேர்வியூ-பாயிண்ட்-கிளாரி (Fairview–Pointe-Claire), கிர்க்லாண்ட் (Kirkland) மற்றும் அன்சே-ஆ-லோர்ம் ஆகிய நான்கு நிலையங்களில் ஏறும் பயணிகளுக்கு மட்டுமே இந்தச் சலுகை பொருந்தும் எனக் குறிப்பிடப்பட்டுள்ளது.
கூட்ட நெரிசலைத் தவிர்க்க, ஒவ்வொருவரும் ஒருமுறை மட்டுமே சென்று மீண்டும் திரும்பி வருவதற்கு அனுமதி அளிக்கப்படும் எனக் கூறப்பட்டுள்ளது.
