மொன்றியல் நகரப் பேருந்துகளின் மின்சாரப் பலகைகளில் (Electronic Displays) புகழ்பெற்ற “Go Habs Go!” என்ற வாசகம் அடுத்த மாதம் முதல் மீண்டும் இடம்பெறும் என மொன்றியல் போக்குவரத்து நிறுவனம் (STM) அறிவித்துள்ளது.
சுமார் ஒரு ஆண்டாக நீடித்து வந்த ‘மொழிச் சர்ச்சை’ முடிவுக்கு வந்துள்ள நிலையில், இந்த அறிவிப்பு விளையாட்டு ரசிகர்களிடையே பெரும் வரவேற்பைப் பெற்றுள்ளது.
கடந்த 2025-ஆம் ஆண்டு ஏப்ரல் மாதம், கியூபெக் மொழிக் கண்காணிப்பு அமைப்பான ‘OQLF’, பேருந்துகளில் உள்ள “Go” என்ற ஆங்கிலச் சொல்லை நீக்கிவிட்டு, அதற்குப் பதிலாக “Allez” என்ற பிரெஞ்சுச் சொல்லைப் பயன்படுத்துமாறு உத்தரவிட்டது.
இந்த மாற்றத்திற்குப் பொதுமக்கள் மற்றும் அரசியல் தலைவர்களிடமிருந்து கடும் எதிர்ப்பு கிளம்பியது.
“Go Habs Go!” என்பது கியூபெக் கலாச்சாரத்தின் ஒரு பகுதி என்றும், இதனை ஆங்கிலமாக மட்டும் பார்க்கக் கூடாது என்றும் கியூபெக் அரசுத் தரப்பில் விளக்கம் அளிக்கப்பட்டது.
இதனைத் தொடர்ந்து, மொழிக் கண்காணிப்பு அமைப்பு தனது தடையைத் திரும்பப் பெற்றமை குறிப்பிடத்தக்கது.
