உலகத் தரம் வாய்ந்த மருத்துவமனைகளின் 2026-ஆம் ஆண்டுக்கான பட்டியலில், கியூபெக் மாகாணத்திலேயே மிகச்சிறந்த மருத்துவமனையாக ‘மொன்றியால் பொது மருத்துவமனை’ (Montreal General Hospital) முதலிடம் பிடித்துள்ளது.
புகழ்பெற்ற ‘நியூஸ்வீக்’ (Newsweek) இதழ் வெளியிட்டுள்ள இந்த உலகளாவிய பட்டியலில், சிறந்த 100 மருத்துவமனைகளுக்குள் இடம்பிடித்த ஒரே கியூபெக் மாகாண மருத்துவமனை இதுவென்பது சுட்டிக்காட்டத்தக்கது.
ஒவ்வொரு ஆண்டும் உலகின் மிகச்சிறந்த 250 மருத்துவமனைகளை நியூஸ்வீக் இதழ் பட்டியலிட்டு வருகின்றது.
2026-ஆம் ஆண்டுக்கான பட்டியலில் மொன்றியல் பொது மருத்துவமனைக்கு 89-வது இடம் அளிக்கப்பட்டுள்ளது.
கடந்த ஆண்டும் இதே இடத்தைப் பிடித்திருந்த இம்மருத்துவமனை, தனது தரத்தைத் தொடர்ந்து நிலைநாட்டி வருகின்றமை குறிப்பிடத்தக்கது.
