வடக்கு கியூபெக் பகுதியில் உள்ள நுனாவிக் பிராந்தியத்தில் காசநோய் (Tuberculosis) பாதிப்பு கட்டுக்கடங்காமல் அதிகரித்து வருவதைத் தொடர்ந்து, நிலைமையைச் சமாளிக்க கனடியச் செஞ்சிலுவைச் சங்கத்துடன் (Canadian Red Cross) அவசரகால ஒப்பந்தம் கையெழுத்தாகியுள்ளது.
உலகிலேயே காசநோய் பாதிப்பு மிக அதிகமாக உள்ள பகுதிகளில் ஒன்றாக நுனாவிக் மாறியுள்ளது.
கடந்த 2025-ஆம் ஆண்டில் மட்டும் இங்கு 117 பேருக்கு தீவிர காசநோய் பாதிப்பு கண்டறியப்பட்டது.
இந்தப் பகுதியில் உள்ள சுமார் 50 சதவீத மக்கள் இடநெருக்கடியான வீடுகளில் வசிப்பதே நோய் இவ்வளவு வேகமாகப் பரவ முக்கியக் காரணமாகக் கூறப்படுகிறது.
ஹட்சன் பே கடற்கரை ஓரமுள்ள கிராமங்களில் வீடு வீடாகச் சென்று பரிசோதனை செய்வதற்கு, செஞ்சிலுவைச் சங்கத்தின் மருத்துவக் குழுவினர் உதவவுள்ளமை குறிப்பிடத்தக்கது.
