நாட்டு மக்கள் புத்தாண்டு தொடக்கத்தில் அரசியல் விவகாரங்களை விட, தங்கள் அன்றாடப் பொருளாதாரத் தேவைகளுக்கே அதிக முக்கியத்துவம் அளிப்பதாகப் புதிய கருத்துக்கணிப்பு ஒன்று தெரிவித்துள்ளது.
‘நானோஸ்’ (Nanos) நிறுவனம் நடத்திய ஆய்வின்படி, 21 சதவீதத்திற்கும் அதிகமான கனடியர்கள் வேலைவாய்ப்பும் பொருளாதாரமுமே நாட்டின் மிகப்பெரிய பிரச்சனை என்று கூறியுள்ளனர்.
இது அமெரிக்காவுடனான உறவு மற்றும் வர்த்தகப் பிரச்சினைகளை விட இரண்டு மடங்கு அதிக முக்கியத்துவத்தைப் பெற்றுள்ளது.
டொனால்ட் ட்ரம்ப் தலைமையிலான அமெரிக்க அரசுடன் சுமூகமான உறவைப் பேணுவது முக்கியம் என்று வெறும் 10 சதவீத மக்களே கருதுகின்றனர் என அந்த ஆய்வு தெரிவிக்கின்றது.
