நாட்டின் இராணுவம் மற்றும் விமானப்படையில் பணியாற்றும் பெண்களுக்காக, அவர்களின் உடல் அமைப்பிற்கு ஏற்ப பிரத்யேகமாக வடிவமைக்கப்பட்ட புதிய போர் சீருடைகள் (Combat Uniforms) மற்றும் கவச உடைகள் அறிமுகப்படுத்தப்பட உள்ளன.
சுமார் 30 ஆண்டுகளுக்கு மேலாக ஆண்கள் பயன்படுத்தும் சீருடைகளையே சிறிய அளவுகளில் மாற்றிப் பயன்படுத்தி வந்த பெண் வீரர்களுக்கு, இது ஒரு முக்கியமான மைல்கல்லாகக் கருதப்படுகிறது.
2026 மற்றும் 2027-ஆம் ஆண்டுகளுக்குள் இந்தப் புதிய சீருடைகள் முழுமையாக நடைமுறைக்கு வரும் என கனடா பாதுகாப்புத் துறை அறிவித்துள்ளது.
புதிய வடிவமைப்பில் பெண்களின் மார்புப் பகுதி மற்றும் இடுப்புப் பகுதிக்கு ஏற்றவாறு ‘வளைவுகள்’ (Contoured cuts) சேர்க்கப்பட்டுள்ளன.
2026-ஆம் ஆண்டிற்குள் இராணுவத்தில் பெண்களின் எண்ணிக்கையை 25 சதவீதமாக உயர்த்துவதற்கு, அரசாங்கம் இலக்கு நிர்ணயித்துள்ளமை குறிப்பிடத்தக்கது.
