2026ம் ஆண்டு உலகக் கிண்ணத்தில் 104 போட்டிகளுக்கும் மிகவும் மலிவு விலையிலான டிக்கெட்டுகளை ஃபிஃபா (FIFA) அறிவித்துள்ளது.
2026 ஃபிஃபா உலகக் கிண்ணத்துக்காக (கனடா, மெக்சிகோ, அமெரிக்கா) டிக்கெட்டுகளின் ஆரம்ப விலைகள் மிக அதிகமாக இருந்ததன் காரணமாக உலகம் முழுவதும் ரசிகர்களிடமிருந்து கடும் எதிர்ப்புகள் எழும்பியது.
அதன்படி, ஃபிஃபா ஒவ்வொரு போட்டி சார்ந்த அணிகளின் விலை நிர்ணயம் குறித்த கடும் எதிர்ப்பைத் தொடர்ந்து ரசிகர்களுக்காக பிரத்யேகமாக புதிய சலுகை விலையிலான டிக்கெட்டுகளை உருவாக்கியுள்ளதாக அறிவித்தது.
இதற்கு அமைவாக, இறுதிப் போட்டி உட்பட சீசனின் ஒவ்வொரு போட்டிக்குமான டிக்கெட்டுக் விலை அதிகபட்சமாக 60 அமெரிக்க டொலர்கள் என நிர்ணயிக்கப்பட்டுள்ளது.
எனினும், இந்த டிக்கெட்டுகள், உலகக் கிண்ணத்துக்கு தகுதி பெற்ற தேசிய அணிகளின் விசுவாசமான ஆதரவாளர்களுக்காக (Loyal Fans) மட்டுமே பிரத்தியேகமாக ஒதுக்கப்படுகின்றன என ஃபிஃபா அறிவித்துள்ளது.
டிக்கெட் விநியோகத்தையும், அதற்கான தகுதி அளவுகோலையும் தனித்தனியாக அந்தந்த நாடுகளின் உறுப்பினர் சங்கம் (Participating Member Associations – PMAs) நிர்வகிக்கும் எனவும் அறிவித்துள்ளது.
