கியூபெக் மாகாணத்தில் உள்ள சில்லறை வர்த்தக நிலையங்கள் வார இறுதி நாட்களில் மாலை 5 மணிக்கு மூடப்பட வேண்டும் என்ற நீண்ட கால விதியைக் கைவிடுவதற்கு, மாகாண அரசாங்கம் தீர்மானித்துள்ளது.
இதன்படி, இனிமேல் மாகாணம் முழுவதும் சில்லறை கடைகள் வாரத்தின் ஏழு நாட்களும் இரவு 9 மணி வரை திறந்திருக்க அனுமதிக்கப்பட உள்ளது.
உலகளாவிய இணையவழி விற்பனையாளர்களான ஷெய்ன் (Shein) மற்றும் டெமு (Temu) போன்ற நிறுவனங்களின் போட்டியைச் சமாளிக்கவும், உள்ளூர் வணிகர்களுக்கு அதிக நெகிழ்வுத்தன்மையை (Flexibility) வழங்கவும் இந்த நடவடிக்கை எடுக்கப்படுவதாகக் கியூபெக் அரசு தெரிவித்துள்ளது.
கியூபெக் மாகாணம் மட்டுமே வட அமெரிக்க கண்டத்தில் வணிக நிலையங்களின் நேரத்தைக் கடுமையாகக் கட்டுப்படுத்தும் கடைசிப் பிராந்தியமாக இருந்தமை குறிப்பிடத்தக்கது.
