கியூபெக் மாகாணத்தின் பிரெஞ்சு மொழிச் சட்டமான ‘Bill 96’, அத்தியாவசிய சேவைகளைப் பெற முயற்சிக்கும் ஆங்கிலம் பேசும் குடியிருப்பாளர்களுக்குக் குழப்பத்தையும் நிதித் தடைகளையும் உருவாக்குவதாக, தெரிவிக்கப்பட்டுள்ளது.
கனடாவின் உத்தியோகபூர்வ மொழிகள் ஆணையர் ரேமண்ட் தேபேர்ஜ் (Raymond Theberge) தனது இடைக்கால அறிக்கையில் இதனைத் தெரிவித்துள்ளார்.
குறிப்பாக, மத்திய அரசாங்கத்தின் பாரிய செலவுக் குறைப்புத் திட்டங்கள் கனடியர்களின் மொழி உரிமைகளைப் பாதிக்காமல் இருப்பதை ஒட்டாவா உறுதி செய்ய வேண்டும் என்று அவர் வலியுறுத்தியுள்ளார்.
சுகாதாரப் பாதுகாப்பு, கல்வி மற்றும் வணிகத் துறைகள் முழுவதும் இந்த மொழி சார் சவால்கள் நிலவுவதாகவும் தேபேர்ஜ் சுட்டிக்காட்டினார்.
ஆங்கிலம் பேசும் சமூகக் குழுக்கள் நிதி பெறுவதில் எதிர்கொள்ளும் முக்கியத் தடைகளையும், மத்திய அரசின் வரவு செலவுக் கட்டுப்பாடுகளால் அது எவ்வாறு மோசமடைகிறது என்பதையும் அறிக்கை விவரிக்கின்றமை குறிப்பிடத் தக்கது.
