கியூபெக் அரசாங்கம் முன்வைத்துள்ள சர்ச்சைக்குரிய Bill 3 மசோதாவுக்கு எதிராக, கியூபெக்கில் உள்ள தொழிலாளர்களைப் பிரதிநிதித்துவப்படுத்தும் தொழிற்சங்கத் தலைவர்கள் ஒன்று
கூடித் தங்கள் கடும் எதிர்ப்பைத் தெரிவித்தனர்.
இந்தச் சட்டம் சங்கச் சந்தாக்களை கட்டாயச் சந்தா மற்றும் விருப்பச் சந்தா எனப் பிரிப்பதாகவும், இது சங்கங்களின் அரசியல் நடவடிக்கைகளைத் தடுக்கும் ஒரு "முன்னணி தாக்குதல்" என்றும், தங்களைத் "திசை திருப்ப" அரசாங்கம் முயற்சிப்பதாகவும் அவர்கள் குற்றம் சாட்டினர்.
தொழிற்சங்கச் சந்தாக்கள் எவ்வாறு செலவிடப்படுகின்றன என்பதில்
வெளிப்படைத்தன்மையை அதிகரிப்பதே இந்த மசோதாவின் நோக்கம்
என்று தொழிலாளர் துறை அமைச்சர் ஜீன் பௌலெட் (Jean Boulet)
தெரிவித்திருந்தார்.
இந்தச் சட்ட மசோதாவின் கீழ், கட்டாயச் சந்தாக்களைச் சங்கத்தின்
"முதன்மை நோக்கத்திற்காக" மட்டுமே பயன்படுத்த முடியும்.
இது கூட்டு ஒப்பந்தங்கள் பேச்சுவார்த்தை, அதன் பயன்பாடு மற்றும் பணி நிலைமைகள் தொடர்பான செலவுகளை மட்டுமே உள்ளடக்கும்.
மாகாணச் சட்டங்களுக்கு எதிரான சட்ட சவால்களைத் தொடுப்பது,
விளம்பரப் பிரசாரங்களை நடத்துவது அல்லது சமூக இயக்கங்களில்
பங்கேற்பது போன்ற "முதன்மை நோக்கம் அல்லாத" பிற
நடவடிக்கைகளுக்கு விருப்பச் சந்தாக்கள் மூலமாக மட்டுமே நிதி பெற
முடியும் என இந்த சட்ட மசோதா குறிப்பிடுகின்றமை சுட்டிக்காட்டத்தக்கது.
