பார்ட்டி கியூபெக்வா (Parti Québécois) கட்சியின் தலைவர் பால் செயின்ட்-பியர் பிளமோண்டன் (Paul St-Pierre Plamondon), தனி நாடாகும் கியூபெக் அதற்கென சொந்த நாணயத்தைப் பயன்படுத்தும் என்ற அறிவிப்பை வெளியிட்டதை அடுத்து, கியூபெக் லிபரல் கட்சி (QLP) உடனடியாக அதற்குத் தனது எதிர்ப்பைத் தெரிவித்துள்ளது.
பார்ட்டி கியூபெக்வா (Parti Québécois) கட்சியின் “நீலப் புத்தகம்” (Blue Book) என்ற இறையாண்மைத் திட்டத்தின் ஒரு பகுதியாக இந்த நாணய மாற்றம் குறித்து அறிவிக்கப்பட்டுள்ளது.
கனடாவின் டொலரில் இருந்து விலகி, நாணய மாற்றத்திற்காக 10 ஆண்டுகள் வரையிலான மெதுவான மாற்றத்தைக் கொண்டுவர இந்தத் திட்டம் முன்மொழிகிறது.
கியூபெக் லிபரல் கட்சியின் உறுப்பினரான ஃபிரடெரிக் பியூசெமின் (Frédéric Beauchemin), இந்த திட்டத்தை உடனடியாகக் கண்டித்ததுடன், “அர்த்தமற்ற பேச்சுக்களை” நிறுத்தும்படி வலியுறுத்தினார்.
கனடாவிலிருந்து பிரிவது கியூபெக்கின் தற்போதைய பொருளாதார ஒப்பந்தங்களை முறிக்கும் என்றும், “முன்னோடியில்லாத பொருளாதார ஸ்திரமின்மையை” உருவாக்கும் என்றும், கியூபெக் மக்களின் வாங்கும் திறனில் கற்பனை செய்ய முடியாத சரிவை ஏற்படுத்தும் என்றும் அவர் எச்சரித்தார்.
கியூபெக் தனி நாடாகும் நிலையில் அதன் பொருளாதாரத்தின் மீது முழுமையான கட்டுப்பாட்டைப் பெறுவதற்கு, சொந்த நாணயத்தைப் பயன்படுத்துவதே மிகவும் பொருத்தமான வழி என்று பார்ட்டி கியூபெக்வா (Parti Québécois) கட்சி கருதுகின்றமை குறிப்பிடத்தக்கது.
