நோவா ஸ்கோஷியாவில் (Nova Scotia) நோயாளி ஒருவருக்கு பாலியல் வன்கொடுமை செய்ததாக குற்றம் சாட்டப்பட்ட நியூ பிரன்சுவிக் மாகாண மருத்துவர், கியூபெக் மாகாணத்திலும் (Quebec) இதேபோன்ற குற்றச்சாட்டுகளை எதிர்கொண்டதாக அதிர்ச்சி தரும் தகவல்கள் வெளியாகியுள்ளன.
அந்த மருத்துவர், கியூபெக்கில் பாலியல் ரீதியான இரண்டு புகார்களை எதிர்கொண்டதாக ஆவணங்கள் தெரிவிக்கின்றன.
கடந்த ஜனவரி மாதம், அம்ஹெர்ஸ்ட் அருகே உள்ள கம்பர்லேண்ட் பிராந்திய சுகாதார மையத்தில் (Cumberland Regional Health Care Centre) அவசர சிகிச்சைப் பிரிவில் ஒரு நோயாளிக்கு சிகிச்சை அளித்தபோது, பாலியல் வன்கொடுமை அந்த மருத்துவர் மீது கடந்த மாதம் குற்றம் சுமத்தப்பட்டது.
இந்த குற்றச்சாட்டை அடுத்து, அவரை பணியமர்த்தியிருந்த Vitalité சுகாதார வலையமைப்பு (Vitalité Health Network), ஓகஸ்ட் மாதம் 28 ஆம் திகதி முதல் அவர் பணியில் இல்லை என்று அறிவித்தது.
அத்துடன், நியூ பிரன்சுவிக் மருத்துவர்கள் மற்றும் அறுவை சிகிச்சை நிபுணர்கள் கல்லூரி (College of Physicians and Surgeons of New Brunswick) அவரது மருத்துவப் பயிற்சி உரிமத்தை இடைநிறுத்தம் செய்துள்ளது.
