ஒட்டாவா பிராந்தியத்தில் உள்ள கேடினோவில் நடைபெறவிருந்த சர்ச்சைக்குரிய அமெரிக்க மத இசைக் கலைஞர் சீன் ஃபியுச்ட்டின் (Sean Feucht) இசைநிகழ்ச்சிக்கு தேசிய தலைநகர் ஆணையம் அனுமதி மறுத்துள்ளது.
பொது பாதுகாப்பு மற்றும் நிகழ்வைச் சுற்றியுள்ள பாதுகாப்பு குறித்த கவலைகள் காரணமாக கேடினோ காவல்துறை சேவையுடன் கலந்தாலோசித்த பிறகு இந்த முடிவு எடுக்கப்பட்டுள்ளது.
சனிக்கிழமை அன்று ஜாக்ஸ்-கார்டியர் பூங்காவில் (Jacques-Cartier Park) இந்த இலவச இசைநிகழ்ச்சி நடத்தத் திட்டமிடப்பட்டிருந்தது.
கேடினோ இசைநிகழ்ச்சி ரத்து செய்யப்பட்டமை, கனடாவில் சீன் ஃபியுஸ்ட்டின் சுற்றுப்பயணத்தில் நடந்த தொடர்ச்சியான இசைநிகழ்ச்சி ரத்துக்களின் ஒரு பகுதியாகும்.
புதன்கிழமை நோவா ஸ்கோஷியாவில் நடைபெறவிருந்த அவரது இசைநிகழ்ச்சிக்கு, கனேடிய பூங்காக்கள் திணைக்களம் அனுமதி அளிக்காமையைத் தொடர்ந்து, நகருக்கு வடக்கே உள்ள ஒரு கிராமப்புற பகுதிக்கு மாற்றப்பட்டது.
சார்லட்டவுன் (Charlottetown), மாங்க்டன் (Moncton) மற்றும் கியூபெக் சிட்டி (Quebec City) ஆகிய நகரங்களும் ஃபியுஸ்ட்டின் நிகழ்ச்சிகளுக்கான அனுமதிகளை ரத்து செய்துள்ளன.
