இலங்கை – பங்களாதேஷ் அணிகளுக்கு இடையில் நடைபெறவுள்ள மூன்று போட்டிகள் கொண்ட ரி20 சர்வதேச தொடருக்கான 17 பேர் கொண்ட இலங்கை குழாம் உத்தியோகபூர்வமாக அறிவிக்கப்பட்டுள்ளது.
சரித் அசலங்க தலைமையில் அறிவிக்கப்பட்டுள்ள குழாமில் பல முன்னணி வீரர்கள் இடம் பிடித்துள்ளனர். இதேவேளை இலங்கை அணியின் முன்னாள் தலைவர் தசுன் சானக்க மற்றும் சகலதுறை வீரர் சாமிக்க கருணாரத்ன ஆகியோர் இலங்கை ரி20 அணியில் தங்களது இடத்தை பிடித்துள்ளனர்.
இரு அணிகளுக்கு இடையிலான முதலாவது ரி20 போட்டி வியாழக்கிழமை பல்லேகலையில் நடைபெற உள்ளது.
அசலங்க, நிசங்க, குசல் மெண்டிஸ், சந்திமால், குசல் பெரேரா, கமிந்து, அவிஷ்க, சாணக்க, வெல்லாலகே, ஹசரங்க, தீக்ஷன, வண்டர்சே, சாமிக்க, பத்திரன, துஷார, பிணுர, எஷான் மலிங்க.
