கனடாவின் பிரதான அரசியற் கட்சிகளான லிபரல் மற்றும் கன்சர்வேடிவ் கட்சிகள், டொராண்டோ பெருநகரப் பகுதியில் இன்று தீவிர பிரச்சாரத்தில் ஈடுபடுகின்றன.
லிபரல் கட்சித் தலைவர் மார்க் கார்னி இன்று காலை பிராம்ப்டன் பகுதியில் ஆதரவாளர்களைச் சந்தித்துள்ளார்.
அதனைத் தொடர்ந்து, பிற்பகலில் ஹாமில்டன் பகுதியைச் சேர்ந்த லிபரல் கட்சி ஆதரவாளர்கள் மற்றும் தொண்டர்களை அவர் சந்தித்து உரையாடவுள்ளார்.
கன்சர்வேடிவ் கட்சித் தலைவர் பியர் பொய்லியேவ் இன்று காலை மில்டனில் செய்தியாளர் சந்திப்பொன்றை நடத்தினார்.
அதன் பின்னர், மாலை வூல்விச்சில் இடம்பெறவுள்ள அவர் பொதுக்கூட்டத்தில் உரையாற்றவுள்ளார்.
2021 ஆம் ஆண்டின் கணக்கெடுப்பின்படி, டொராண்டோ மற்றும் ஹாமில்டன் பெருநகரப் பகுதியின் மக்கள் தொகை ஏழு மில்லியனுக்கும் அதிகமாகும்.
இது கனடாவின் மொத்த சனத் தொகையில் ஏறக்குறைய 20 சதவீதமாகும் என்பது குறிப்பிடத்தக்கது.
