ஒன்ராறியோ அமைச்சரவையின் அமைச்சர்கள் மற்றும் பிரதி அமைச்சர்கள் இன்றைய தினம் பதவியேற்றனர்.
ஒன்ராரியோ முதல்வர் டக் ஃபோர்டு, பல பரிச்சயமான முகங்களைக் கொண்ட ஒரு புதிய அமைச்சரவையை நியமித்துள்ள இதேவேளை வீட்டுவசதி, கல்வி மற்றும் சுற்றுச்சூழல் அமைச்சர்களை மாற்றியுள்ளார்.
பால் கலண்ட்ராPaul Calandra வீட்டுவசதியிலிருந்து கல்வி அமைச்சராக மாற்றப்பட்டுள்ளார்.
முன்னாள் விவசாய அமைச்சர் Rob Flackராப் ஃப்ளாக் வீட்டுவசதி அமைச்சராக நியமிக்கப்படுள்ளார் . முன்னர் அவசரகால தயார்நிலை மற்றும் பதிலளிப்பு இணை அமைச்சராக இருந்த ட்ரெவர் ஜோன்ஸ், விவசாய அமைச்சராகப் பொறுப்பேற்றுள்ளார்.
டோட் மெக்கார்த்தி சுற்றுச்சூழல் அமைச்சராகப் பொறுப்பேற்றுள்ளார். இது பொது மற்றும் வணிக சேவை வழங்கல் அமைச்சராக இருந்த முந்தைய பணியை விட உயர்ந்த பங்காகும்.என குறிப்பிடப்பட்டுள்ளது.
கிரஹாம் மெக்ரிகோர் குடியுரிமை மற்றும் பன்முக கலாச்சார அமைச்சராகப் பொறுப்பேற்றுள்ளார்,
குறித்த இந்த அமைச்சானது இம்முறை இடம்பெற்ற தேர்தலில் மீண்டும் போட்டியிடாத முதல்வர் டக் ஃபோர்டின் மருமகன் மைக்கேல் ஃபோர்டு முன்பு வகித்த பதவி என்பதும் குறிப்பிடத்தக்கது.
மனநலம் மற்றும் போதைப்பொருள் ஒழிப்புத்துறை இணை அமைச்சராக இருந்த மைக்கேல் டிபோல்லோ, இணை பிரதம நீதியரசராக மாற்றப்பட்டுள்ளார்,
இதே வேளை விஜய் தனிகாசலம் சுகாதார அமைச்சின் ஒரு பகுதியாக மனநலம் மற்றும் போதைப்பொருள் துறை பிரதி அமைச்சராக நியமிக்கப்பட்டுள்ளார்.
இதே வேளை ஜீ ஹமீத் அமைச்சரவையில் ஒரே புதிய முகமாக அறிமுகமாகி வாகன திருட்டு மற்றும் பிணை சீர்திருத்தத்திற்கான பிரதி அமைச்சராக பதவியேற்றுள்ளார்
முதல்வர் டக் ஃபோர்டு 2018 இல் முதன்முதலில் தேர்ந்தெடுக்கப்பட்டதிலிருந்து அதிகரித்த அமைச்சரவையின் அளவையே வைத்திருக்கிறார் என்பதும் குறிப்பிடத்தக்கது , மேலும் புதிய பிரதி அமைச்சர்களை அவர் குழுவில் சேர்த்த பின்பு கடந்த ஆகஸ்ட் மாதத்தில் அவரது இறுதி அமைச்சரவை 37 பேராக அதிகரித்தது.
டக் டவுனி அட்டர்னி ஜெனரலாகவும், மைக்கேல் கெர்ஸ்னர் சொலிசிட்டர் ஜெனரலாகவும், கரோலின் முல்ரோனி கருவூல வாரியத்தின் தலைவராகவும் பிராங்கோஃபோன் விவகார அமைச்சராகவும் பல முக்கிய அமைச்சர்கள் தங்கள் முந்தைய பதவிகளில் தொடர்கின்றனர்.என்பதும் குறிப்பிடத்தக்கது.
