லிபரல் கட்சியின் தலைமை வேட்பாளர்களில் முன்னணியில் இருக்கும் வேட்பாளராக கருதப்படும் Mark Carney அடுத்தவாரம் பிரதமராக பதவியேற்கலாம் என கருதப்படுகின்ற நிலையில் ஜனாதிபதி Donald Trump இன் வரிவிதிப்பு குறித்து வெளியுறவு அமைச்சர் Mélanie Joly, Carney க்கு விளக்கமளித்ததாக அவரது அலுவலகம் உறுதிப்படுத்தியுள்ளது.
எனினும் ஏனைய லிபரல் தலைமை வேட்பாளர்களுக்கு Joly இதுவரை விளக்கமளிக்கவில்லை என தெரியவருகின்றது.
caucus உறுப்பினர் ஒருவர் மேலும் மூன்று வேட்பாளர்கள் இருப்பதாக சுட்டிக்காட்டியபோது, Joly தன்னால் முடிந்தால் அவர்களுக்கும் விளக்கமளிப்பதாகக் கூறினார் என அறியமுடிகின்றது.
புதன்கிழமை நடைபெற்ற மெய்நிகர் வழியான national caucus கூட்டத்தில் Trump இன் வரிவிதிப்புகளுக்கு Ottawa வின் பதில் குறித்து வெளியுறவு அமைச்சர் நாடாளுமன்ற உறுப்பினர்களுக்கு தெளிவுபடுத்தலை வழங்கினார். எனினும் இக்கலந்துரையாடலில் Chrystia Freeland மற்றும் Karina Gould ஆகியோர் கலந்துகொள்ளவில்லை.
தனிப்பட்ட முறையில் நடைபெற்றதாக கூறப்படும் caucus meeting தொடர்பான தகவல்கள் எவையும் வெளிவரவில்லை.
தற்போதைய நிலவரங்களின் படி Joly உட்பட அநேகமான அமைச்சரவை அமைச்சர்கள் மற்றும் லிபரல் நாடாளுமன்ற உறுப்பினர்கள் Carney ஐ ஆதரித்து வரும் நிலையில் நேற்றையதினம் Montreal நடைபெற்ற நிகழ்வில் ஒன்றில் Joly அவருடன் கலந்துகொண்டமையும் குறிப்பிடத்தக்கது
