கனடாவின் பாதுகாப்புத் தேவைகளின் முக்கிய அம்சங்களை, தேர்தலில் போட்டியிடும் பிரதான அரசியல் கட்சிகள் தவறவிட்டுள்ளதாக விமர்சனம் எழுந்துள்ளது.
கனடா தன்னை எவ்வாறு பாதுகாத்துக்கொள்வது என்ற அத்தியாவசியமான கேள்வியை ஆராய்வதற்குப் பதிலாக, இராணுவ தளங்கள் மற்றும் உபகரணங்கள் போன்ற குறைவாக முக்கியத்துவம் அளிக்க வேண்டியவற்றில் பிரதான அரசியல் கட்சிகள் அதிக கவனத்தைச் செலுத்துவதாக, தேசிய பாதுகாப்பு நிபுணர்கள் கூறுகின்றனர்.
கனேடிய தேர்தல் களத்தில் முன்னிலை வகிக்கும் லிபரல் மற்றும் கன்சர்வேடிவ் ஆகிய இரு பிரதான கட்சிகள் மீதும், இந்த விமர்சனம் முன்வைக்கப்பட்டுள்ளது.
எதிர்வரும் பொதுத் தேர்தலுக்காக வெளியிடப்பட்ட இந்த இரு கட்சிகளின் தேர்தல் விஞ்ஞாபனங்களும் ஒருவரையொருவர் மிஞ்சும் போக்கைக் காட்டுவதாக நிபுணர்கள் சுட்டிக்காட்டுகின்றனர்.
கனடாவின் தேசிய பாதுகாப்பின் அடிப்படையானது தற்போது மாற்றமடைந்துள்ள நிலையில், இந்த இரு கட்சிகளும் முக்கியமான கேள்விகளைத் தவிர்க்கின்றன எனக் குறிப்பிடப்பட்டுள்ளது.
கனடா எவ்வாறு சுயாதீனமாக தன்னை பாதுகாத்துக்கொள்ள முடியும் என்ற முக்கிய கேள்விக்கு இவ்விரு கட்சிகளின் தரப்பினரும் தெளிவான பதிலை அளிக்கவில்லை என்பது அவதானிக்கப்பட்டுள்ளது.
