கியூபெக் மாகாணத்தில், அரசுப் பாடசாலைகளில் மாணவர்கள் ஹிஜாப் உள்ளிட்ட மத அடையாளச் சின்னங்களை அணிவதைத் தடைசெய்யும் புதிய சட்டமொன்றைக் கொண்டுவர ஆளும் பார்ட்டி கியூபெக்வா அரசாங்கம் திட்டமிட்டுள்ளது.
மதச்சார்பின்மையை வலுப்படுத்தும் நோக்கில் இந்த நடவடிக்கை எடுக்கப்படுவதாக அரசாங்கம் தெரிவித்துள்ளது.
எனினும், இந்தத் திட்டத்திற்கு முஸ்லிம் பெற்றோர்கள், கல்வியாளர்கள் மற்றும் சமூக அமைப்புகள் கடும் எதிர்ப்புத் தெரிவித்துள்ளன.
மாணவர்களின் மத சுதந்திரம் மற்றும் தனிப்பட்ட உரிமைகள் பாதிக்கப்படுவதுடன், அவர்களின் கல்வியிலும் எதிர்மறையான தாக்கத்தை ஏற்படுத்தக்கூடும் என நிபுணர்கள் எச்சரித்துள்ளனர்.
இதற்கிடையில், கியூபெக் லிபரல் கட்சியும் கியூபெக் சொலிடேர் கட்சியும் இந்தத் தடைக்கு ஆதரவளிக்கப் போவதில்லை என அறிவித்துள்ளன.
இதனால், சட்டமூலத்தை நிறைவேற்றுவதற்குத் தேவையான அரசியல் ஆதரவைப் பெறுவதில் ஆளும் கட்சிக்குச் சவால் ஏற்பட்டுள்ளது.
இந்த முன்மொழிவு சட்டமாகுமா என்பது தொடர்பில் கியூபெக் மாகாணத்தில் பெரும் விவாதம் உருவாகியுள்ளது.
