ஹப்புத்தளை நகரில் இன்று (06) மாலை சுமார் 5.00 மணியளவில் கடும் பனிமூட்டம் சூழ்ந்து காணப்படுவதால், வீதிகளில் பயணிக்கும் சாரதிகள் பெரும் சிரமத்தை எதிர்கொண்டு வருகின்றனர்.
குறிப்பாக, எதிரே வரும் வாகனங்கள் கூட தெளிவாகத் தெரியாத அளவுக்கு பார்வைத்திறன் குறைந்துள்ளதால், வீதி விபத்துகள் ஏற்படும் அபாயம் அதிகரித்துள்ளதாக ஹப்புத்தளை பொலிஸார் தெரிவித்துள்ளனர்.
இதனால், சாரதிகள் மிகுந்த அவதானத்துடன் வாகனங்களை செலுத்துமாறும், வாகனங்களின் மின்விளக்குகளை ஒளிரவிட்டவாறு பயணிக்குமாறும் பொலிஸார் எச்சரிக்கை விடுத்துள்ளனர்.
மேலும் பனிமூட்டம் நிலவும் பகுதிகளில் வேகத்தைக் குறைத்து, பாதுகாப்பான இடைவெளியைப் பேணி வாகனம் செலுத்துமாறு அறிவிக்கப்பட்டுள்ளது.
