கியூபெக் மாகாணத்திலுள்ள ஷேர்புரூக் (Sherbrooke) நகரில் 1996 ஆம் ஆண்டு இடம்பெற்ற, இசபெல் போல்டுக் (Isabelle Bolduc) படுகொலை வழக்கில் ஆயுள் தண்டனை அனுபவித்து வரும் குற்றவாளிக்கு நிபந்தனை பிணை வழங்க குற்றப் பிணை வாரியம் (Parole Board of Canada) மறுப்பு தெரிவித்துள்ளது.
28 ஆண்டுகளுக்கு முன்னர் 22 வயதான இளம் பெண் இசபெல் போல்டுக் கடத்தப்பட்டு, பாலியல் வன்கொடுமைக்கு உட்படுத்தப்பட்டு கொடூரமான முறையில் படுகொலை செய்யப்பட்டார்.
இவ்வழக்கில் கைது செய்யப்பட்ட நபர்களுக்கு ஆயுள்தண்டனை விதிக்கப்பட்டதுடன், குறைந்தபட்சம் 25 ஆண்டுகள் வரை பிணை கோர முடியாதவாறு கடுமையாக்கப்பட்ட தண்டனை தீர்ப்பளிக்கப்பட்டது.
இக்கொலைச் சம்பவத்தில் குற்றவாளியாக நிரூபிக்கப்பட்டு ஆயுள்தண்டனை அனுபவித்து வரும் ஒரு நபருக்குத் தற்காலிக அல்லது நிபந்தனை பிணை வழங்கப்பட வேண்டும் எனக் கோரப்பட்டிருந்தது.
அந்த மனுவை ஆய்வு செய்த பிணை வாரிய ஆணையம், அதனை முழுமையாக நிராகரித்துள்ளது.
குற்றவாளி மீண்டும் சமூகத்திற்குள் நுழைந்தால் பொதுமக்களின் பாதுகாப்புக்கு அச்சுறுத்தல் ஏற்படக்கூடிய அபாயம் உள்ளதாகக் சுட்டிக்காட்டியுள்ள பிணை வாரியம், அவரது மனநிலை மற்றும் குற்றத் தன்மையை அடிப்படையாகக் கொண்டு இந்தத் தீர்மானத்தை எட்டியுள்ளதாகக் குறிப்பிட்டுள்ளது.
