இசையமைப்பாளராகவும் நடிகராகவும் தமிழ் சினிமாவில் வலம் வரும் ஜி.வி. பிரகாஷ் குமார் மற்றும் நாயகி கயாடு லோகர் இணைந்து நடித்துள்ள ‘இம்மார்டல்’ திரைப்படத்தின் அதிகாரப்பூர்வ டிரெய்லர் வெளியாகி ரசிகர்களிடையே பெரும் வரவேற்பைப் பெற்று வருகிறது.
‘ஜாக்பாட்’ திரைப்படத்தில் இணை இயக்குநராகப் பணியாற்றிய மரியப்பன் சின்னா இப்படத்தின் மூலம் இயக்குநராக அறிமுகமாகிறார்.
ஏகே ஃபிலிம் ஃபேக்டரி நிறுவனம் பிரம்மாண்டமாகத் தயாரித்துள்ள இப்படத்திற்கு பிரபல இசையமைப்பாளர் சாம் சி.எஸ் இசையமைத்துள்ளார்.
வாடகை வீட்டிற்குச் செல்லும் கதாநாயகன் ஜி.வி. பிரகாஷ், அங்கு வசிக்கும் கதாநாயகி கயாடு லோஹரைச் சந்திக்கிறார்.
அவர்களின் ரொமான்டிக் காதல் பயணம் ஒருகட்டத்தில் திசைமாறி, எதிர்பாராதவிதமாக அமானுஷ்ய சக்திகளின் பயங்கரப் பிடிக்குள் சென்று சிக்குவதைப் போலவும், அந்த ஆபத்திலிருந்து அவர்கள் மீள்கிறார்களா என்பதை மையமாகக் கொண்டும் இப்படத்தின் டிரெய்லர் உருவாக்கப்பட்டுள்ளது.
காதலும் திகிலும் நிறைந்த இந்த டிரெய்லர் தற்போது சமூக வலைதளங்களில் வைரலாகி வருகிறது.
இப்படத்தில் டி.எம். கார்த்திக், குமார் நடராஜன், லொள்ளு சபா மாறன், ஆதித்யா கதீர் உள்ளிட்ட பல முன்னணி நடிகர்கள் முக்கியக் கதாபாத்திரங்களில் நடித்துள்ளனர்.
தமிழ் மட்டுமன்றி தெலுங்கு, இந்தி, கன்னடம் மற்றும் மலையாளம் ஆகிய ஐந்து மொழிகளில் தயாராகியுள்ள ‘இம்மார்டல்’ திரைப்படம் வரும் செப்டம்பர் 4-ஆம் தேதி திரையரங்குகளில் உலகமெங்கும் வெளியாகவுள்ளது.
