மொன்றியல் நகரில் உள்ள புகழ்பெற்ற மெக்கில் பல்கலைக்கழகத்தின் (McGill University) தொடர் கல்விப் பிரிவைச் சேர்ந்த பேராசிரியர்கள் மற்றும் விரிவுரையாளர்கள் பணிப்புறக்கணிப்பு போராட்டத்தில் ஈடுபட்டுள்ளனர்.
பல்கலைக்கழக நிர்வாகத்துடன் ஊதியம் மற்றும் சேவை நிபந்தனைகள் தொடர்பாக நீண்டகாலமாக இடம்பெற்று வந்த பேச்சுவார்த்தைகள் தோல்வியடைந்ததைத் தொடர்ந்தே இந்த வேலைநிறுத்தப் போராட்டம் முன்னெடுக்கப்பட்டுள்ளது.
மெக்கில் பல்கலைக்கழகத்தின் தொடர் கல்விப் பள்ளி (School of Continuing Studies) விரிவுரையாளர்களைப் பிரதிநிதித்துவப்படுத்தும் தொழிற்சங்க உறுப்பினர்கள், தமக்கு நியாயமான ஊதிய உயர்வு வழங்கப்பட வேண்டும் என்றும், பணிக் பாதுகாப்பு உறுதிப்படுத்தப்பட வேண்டும் என்றும் வலியுறுத்தி வருகின்றனர்.
சந்தை நிலவரத்திற்கு ஏற்ப ஊதிய மறுபரிசீலனை செய்யப்பட வேண்டும் மற்றும் ஒப்பந்த அடிப்படையில் பணியாற்றும் விரிவுரையாளர்களுக்குப் போதிய பணி நிலைப்புத்தன்மை அளிக்கப்பட வேண்டும் என்பதே அவர்களின் முதன்மைக் கோரிக்கையாகும்.
பல்கலைக்கழக நிர்வாகத்துடனான கூட்டு ஒப்பந்தப் பேச்சுவார்த்தைகளில் குறிப்பிடத்தக்க முன்னேற்றம் ஏதும் ஏற்படாத நிலையில், தொழிற்சங்க உறுப்பினர்கள் பெருவாரியான ஆதரவுடன் வேலைநிறுத்தப் போராட்டத்திற்கு வாக்களித்ததாக அறிவிக்கப்பட்டுள்ளது.
இந்தப் போராட்டத்தின் காரணமாக, மெக்கில் பல்கலைக்கழகத்தின் தொடர் கல்விப் பிரிவில் பயிலும் ஆயிரக்கணக்கான மாணவர்களின் வகுப்புகள் மற்றும் சான்றிதழ் பாடநெறிகள் நேரடியாகப் பாதிக்கப்பட்டுள்ளமை குறிப்பிடத்தக்கது.
