நடிகர் கவின் மற்றும் ‘லேடி சூப்பர்ஸ்டார்’ நயன்தாரா முதன்முறையாக இணைந்து நடித்துள்ள காதல் திரைப்படமான “ஹாய்” படத்தின் அதிகாரப்பூர்வ டிரெய்லர் வெளியாகி இணையத்தில் பெரும் வரவேற்பைப் பெற்று வருகிறது.
முழுமையான குடும்பக் பின்னணியில் உருவாகியுள்ள இத்திரைப்படத்தின் தணிக்கைப் பணிகள் நிறைவடைந்து ‘U/A’ சான்றிதழ் பெறப்பட்டுள்ளதுடன், இதன் டிஜிட்டல் ஓடிடி உரிமத்தை பிரபல ‘ஜீ5’ நிறுவனம் கைப்பற்றியுள்ளது.
இயக்குனர் விஷ்ணு எடவன் இயக்கத்தில் உருவாகியுள்ள இப்படத்தில் கவின் மற்றும் நயன்தாராவுடன் பிரபு, ராதிகா சரத்குமார், கே. பாக்யராஜ், விடிவி கணேஷ், சத்யன் மற்றும் காவியா அறிவுமணி உள்ளிட்ட பல முன்னணி நட்சத்திரங்கள் முக்கியக் கதாபாத்திரங்களில் நடித்துள்ளனர்.
இசையமைப்பாளர் ஜென் மார்ட்டின் இசையில் ஏற்கனவே வெளியான பாடல்கள் சமூக வலைத்தளங்களில் வைரலாகி எதிர்பார்ப்பை அதிகரித்துள்ள நிலையில், சி.யு. முத்துச்செல்வன் கூடுதல் திரைக்கதை மற்றும் வசனங்களை எழுதியுள்ளார்.
ரவுடி பிக்சர்ஸ், 7 ஸ்கிரீன் ஸ்டுடியோ மற்றும் ஜீ ஸ்டுடியோஸ் ஆகிய நிறுவனங்கள் இணைந்து தயாரித்துள்ள இத்திரைப்படம், சுதந்திர தின வார இறுதியில் வெளியாகவிருந்து பின்னர் தள்ளிவைக்கப்பட்டது.
தற்போது அனைத்து இறுதிப் பணிகளும் நிறைவடைந்து ஆகஸ்ட் 28 அன்று உலகம் முழுவதும் திரையரங்குகளில் பிரம்மாண்டமாக வெளியாகவுள்ளது.
