மொண்ட்ரியல் வெஸ்ட் ஐலேண்ட் (West Island) பகுதியில் அமைந்துள்ள ‘ரெசோ எக்ஸ்பிரஸ் மெத்ரோபொலித்தேன்‘ (REM) இலகு இரயில் சேவையைப் பயன்படுத்தும் பயணிகளுக்கு மகிழ்ச்சியளிக்கும் வகையில், இரு முக்கிய இரயில் நிலையங்களில் நூற்றுக்கணக்கான இலவச வாகன நிறுத்துமிடங்கள் (Free Parking Spaces) புதிதாக சேர்க்கப்படவுள்ளன.
பொதுப் போக்குவரத்தை அதிகரிக்கும் நோக்கிலும், பயணிகள் தங்கள் சொந்த வாகனங்களை நிலையங்களில் பாதுகாப்பாக நிறுத்திவிட்டு இரயிலில் பயணிப்பதை (Park-and-Ride) ஊக்குவிக்கும் வகையிலும் இந்த நடவடிக்கை எடுக்கப்பட்டுள்ளது.
ஃபேர்வியூ-பாயிண்ட்-கிளெயர் (Fairview–Pointe-Claire) REM நிலையத்தின் எதிரே, ஃபேர்வியூ அவென்யூ வழியாக அணுகக்கூடிய பகுதியில் சுமார் 300 இலவச வாகன நிறுத்துமிடங்கள் பயணிகளின் பயன்பாட்டிற்காகத் திறக்கப்பட்டுள்ளன.
ஆரம்பத்தில் இந்நிறுவனத் திட்டமிடலில் ஆயிரக்கணக்கான வாகன நிறுத்துமிடங்கள் அகற்றப்பட்டிருந்த நிலையில், உள்ளூர் மேயர்கள் மற்றும் பயணிகளின் தொடர் கோரிக்கையைத் தொடர்ந்து இந்த இலவச நிறுத்த வசதி அவசரமாக ஏற்பாடு செய்யப்பட்டது.
தற்போது வழங்கப்பட்டுள்ள இந்த இலவச வாகன நிறுத்துமிடங்கள் மூலம் நகர மையப் பகுதிக்குச் செல்லும் வீதிகளில், போக்குவரத்து நெரிசல் கணிசமாகக் குறையும் என எதிர்பார்க்கப்படுகிறது.
