அக்கரைப்பற்றில் காருடன் முச்சக்கரவண்டி மோதி விபத்து

அக்கரைப்பற்று பொத்துவில் பிரதான வீதியின் அக்கரைப்பற்று 241 ஆம் இராணுவ படைப்பிரிவின் முகாம் முன்பாக விபத்தொன்று பதிவாகியுள்ளது.

குறித்த விபத்தில் உல்லாச பயணிகள் பயணித்த கார் ஒன்று முச்சக்கரவண்டியுடன் மோதியதில் இவ் விபத்து ஏற்பட்டுள்ளது.

இவ்விபத்தில் முச்சக்கரவண்டி சுமார் 30 மீற்றர் தொலைவில் வீசப்பட்டதுடன், முச்சக்கரவண்டி சாரதி பலத்த காயங்களுடன் வைத்தியசாலையில் அனுமதிக்கப்பட்டுள்ளார்.

காரில் பயணித்த உல்லாச பயணிகள் மற்றுமொரு வாகனத்தில் ஏற்றி அனுப்பி வைக்கப்பட்டதுடன், காரின் சாரதியும் வைத்தியசாலையில் அனுமதிக்கப்பட்டுள்ளார்.

இந்த விபத்து குறித்த மேலதிக விசாரணைகளை அக்கரைப்பற்று பொலிஸார் மேற் கொண்டு வருகின்றனர்.