கனடாவின் பிரிட்டிஷ் கொலம்பியா மாகாணத்தில் உள்ள Boston Bar பகுதியில் கட்டுப்பாட்டை இழந்த காட்டுத்தீ வேகமாக பரவி வருகிறது.
இதனால் அந்தப் பகுதியில் அவசர வெளியேற்ற உத்தரவு பிறப்பிக்கப்பட்டுள்ளது. North Bend மற்றும் Electoral Area A பகுதிகளில் வசிக்கும் மக்கள் உடனடியாக இடத்தை விட்டு வெளியேறுமாறு அதிகாரிகள் அறிவுறுத்தியுள்ளனர்.
மக்கள் தங்களுடைய குடும்பத்தினர், செல்லப்பிராணிகள் மற்றும் முக்கிய ஆவணங்கள் உள்ளிட்ட அத்தியாவசிய பொருட்களை எடுத்துக்கொண்டு பாதுகாப்பாக வெளியேறுமாறு கேட்டுக்கொள்ளப்பட்டுள்ளனர்.
B.C. Wildfire Service பரிந்துரையின் பேரில் அதே பகுதியில் மேலும் எச்சரிக்கை விரிவுபடுத்தப்பட்டுள்ளது.
ஜூலை 2ஆம் தேதி கண்டறியப்பட்ட Brunswick Creek காட்டுத்தீ, இதுவரை சுமார் 100 ஹெக்டேர் பரப்பளவில் பரவியுள்ளது. இந்த தீ மனித செயல்பாட்டால் ஏற்பட்டதாக சந்தேகிக்கப்படுகிறது.
தற்போது Fraser ஆற்றின் மேற்குப் பகுதியில் தீ எரிந்து கொண்டிருப்பதாகவும், அது மேலும் பரவக்கூடும் எனவும் அதிகாரிகள் எச்சரிக்கை விடுத்துள்ளனர்.
