“ஊர் திரள்வோம், உலகிற்குச் சொல்வோம்” எனும் முழக்கத்துடன், ஈழத் தமிழர் உரிமைகள் பெறு மன்றத்தின் (ETRA) ஏற்பாட்டில் கிளிநொச்சியில் இன்று பிரம்மாண்டமான பொதுக் கூட்டம் நடைபெற்றது.
கிளிநொச்சி பாரதி ஸ்டார் ஹோட்டலில் இன்று காலை 10:00 மணிக்குத் தொடங்கிய இந்நிகழ்வில், சமூக செயற்பாட்டாளர்கள் ஆர்வத்துடன் கலந்துக் கொண்டனர்.
குறித்த மாநாட்டில் உரிமைக் குரல் உள்நாட்டு பொறிமுறைகளில் தமிழ் மக்களுக்கு ஏமாற்றமே எஞ்சியுள்ள நிலையில், சர்வதேச ரீதியிலான பொறிமுறைகளின் ஊடாகத் தீர்வைப் பெற்றுக்கொள்வதே நோக்கம் என்பது இக்கூட்டத்தில் வலியுறுத்தப்பட்டது.
சுயநிர்ணய உரிமை “சுயநிர்ணயம்” என்பது தமிழர்களின் அடிப்படை உரிமை என்பதையும், அதனை அடகு வைக்கவோ, கைவிடவோ அல்லது அழித்தொழிக்கவோ முடியாது என்பதை மாநாட்டில் கலந்துகொண்ட பிரதிநிதிகள் திட்டவட்டமாகத் தெரிவித்தனர்.
திருகோணமலைப் பிரகடனம் ஈழத் தமிழர் உரிமைகள் பெறு மன்றத்தினால் முன்வைக்கப்பட்ட வரலாற்றுச் சிறப்புமிக்க “திருகோணமலைப் பிரகடனத்தை” வலுப்படுத்தும் நோக்கில் இந்த மக்கள் சந்திப்பு அமைந்தது.
“எம் உரிமைகளை நீக்கக்கூடிய எந்தவொரு சரணடைதலையும், தலைவணங்கலையும் இன்றுவரை நிகழ்த்தவும் இல்லை, இனி நிகழ்த்தப் போவதும் இல்லை” என்ற உறுதியான நிலைப்பாட்டை சமூக செயற்பாட்டாளர்கள் இம்மாநாட்டின் வாயிலாக உலகிற்குப் பறைசாற்றினர்.
நிகழ்வின் இறுதியில், தமிழர்களின் அரசியல் அபிலாஷைகளை முன்னிறுத்தி பல்வேறு தீர்மானங்கள் நிறைவேற்றப்பட்டன.
ஈழத் தமிழர் உரிமைகள் பெறு மன்றத்தின் (ETRA) ஒருங்கிணைப்பில் இடம்பெற்ற இந்த மாநாடானது, கிளிநொச்சி மண்ணில் ஒரு முக்கிய அரசியல் நகர்வாகப் பார்க்கப்படுகிறது.
