மொன்றியலின் தென் பகுதியில் அமைந்துள்ள செயிண்ட்-ஹியூபர்ட் (Saint-Hubert) விமான நிலையம், இனி “மொன்றியல் மெட்ரோபொலிட்டன் ஏர்போர்ட்” (MET) என்ற புதிய பெயருடன் இயங்கவுள்ளது.
எதிர்வரும் ஜூன் மாதம் 15 ஆம் திகதி முதல் வணிக ரீதியான விமானச் சேவைகளை, அந்த விமான நிலையம் தொடங்கவுள்ளது.
கனடாவின் மூன்றாவது பெரிய விமான நிறுவனமான போர்ட்டர் ஏர்லைன்ஸ் (Porter Airlines), இங்கிருந்து வாரம்தோறும் 138 விமானங்களை இயக்கப் போவதாக அறிவித்துள்ளது.
சுமார் 500 மில்லியன் டொலர் செலவில் நிர்மாணிக்கப்பட்டுள்ள இந்த நவீன முனையம், பயணிகளின் நலனையே தனது நோக்கமாகக் கொண்டுள்ளது.
21,000 சதுர மீற்றர் பரப்பளவில் அமைந்துள்ள இந்த முனையத்தில் 9 வாயில்கள் மற்றும் 900 இருக்கைகள் கொண்ட பிரம்மாண்ட ஓய்வறை முதலானவை உள்ளன.
பயணிகளின் வசதிக்காக லோங்குயில் மெற்றோ நிலையத்தில் இருந்து விமான நிலையத்திற்கு ‘மெட்பஸ்’ (METbus) என்ற பிரத்யேக விரைவுப் பேருந்துச் சேவை அறிமுகப்படுத்தப்படவுள்ளது
