கனடா அமெரிக்காவுக்கு எந்த நன்றியும் காட்டவில்லை என்று அமெரிக்க அதிபர் டொனால்ட் ட்ரம்ப் குற்றம் சுமத்தியுள்ளார்.
அமெரிக்கா உருவாக்கி வரும் “கோல்டன் டோம்” (Golden Dome) என்ற ஏவுகணைப் பாதுகாப்பு அமைப்பு கனடாவிற்கும் பாதுகாப்பைத் தரவல்லது என்று அவர் குறிப்பிட்டார்.
எனினும், கனடா இதற்காக எந்த நன்றியும் காட்டாமல் “இலவசமாகப்” பயன் பெறுவதாகவும் டொனால்ட் ட்ரம்ப் விமர்சித்துள்ளார்.
சுவிட்சர்லாந்தின் தாவோஸ் நகரில் நடைபெறும் உலகப் பொருளாதார மன்றத்தில் கலந்து கொண்டு உரையாற்றிய போதே, அமெரிக்க அதிபர் டொனால்ட் ட்ரம்ப் இந்த கருத்துகளை வெளிப்படுத்தியுள்ளார்.
தனது வரி விதிப்பு அறிவிப்புகளால் கனடாவில் உள்ள நூற்றுக்கணக்கான கார் தொழிற்சாலைகள் அமெரிக்காவிற்குத் திரும்பி வருவதாகவும் அவர் குறிப்பிட்டுள்ளார்.
கிரீன்லாந்தை அமெரிக்கா வாங்குவதற்குக் கனடா முட்டுக்கட்டை போடுவதைத் தான் மறக்கப் போவதில்லை என்று ட்ரம்ப் தமது உரையில் அச்சுறுத்தியமை சுட்டிக்காட்டத்தக்கது.
