இந்திய அணியின் வேகப்பந்து வீச்சாளர் ஜஸ்பிரித் பும்ரா மூன்று வடிவ கிரிக்கெட் போட்டிகளிலும் 100 விக்கெட் என்ற சாதனையை படைத்துள்ளார்.
அத்துடன், இச்சாதனையுடன் அவர் உலகின் 5வது பந்து வீச்சாளர் என்ற பெருமையும் பெற்றார்.
மேலும், தென்னாப்பிரிக்கா அணிக்கு எதிராக நேற்று(9) இடம்பெற்ற முதல் T20 போட்டியில் டெவால்ட் ப்ரூயிஸூன் விக்கெட்டை கைப்பற்றியதன் மூலமாக இந்த சாதனையை படைக்கப்பட்டது.
இதற்கு முன்னதாக, இலங்கை அணியின் லசித் மலிங்க, நியூசிலாந்து அணியின் டிம் சவுத்தி, பங்களாதேஷ் அணியின் ஷகிப் அல் ஹசன் மற்றும் பாகிஸ்தான் அணியின் ஷாஹீன் அஃப்ரிடி ஆகியோர் இந்த மூன்று வடிவ கிரிக்கெட் போட்டிகளிலும் 100 விக்கெட்டுகளை கைபற்றியுள்ளமை குறிப்பிடத்தக்கது.
பும்ரா இதுவரை 52 டெஸ்ட் போட்டிகளில் 99 இன்னிங்ஸ்களில் 234 விக்கெட்டுகளை வீழ்த்தியுள்ளார். அதேபோல், 89 ஒருநாள் போட்டிகளில் 88 இன்னிங்ஸ்களில் 149 விக்கெட்டுகளை வீழ்த்தியுள்ளார். நிலையில் நேற்று நடந்த டி20 போட்டியில் 2 விக்கெட்டுகளை வீழ்த்தியதன் மூலம் டி20 கிரிக்கெட்டிலும் 100 விக்கெட்டுகளை வீழ்த்தியுள்ளார்.
அத்துடன், 81 சர்வதேச டி20 போட்டிகளில் 101 விக்கெட்டுகளையும், சர்வதேச டி20 போட்டிகளில் அதிக விக்கெட்டுகளை வீழ்த்திய இந்திய பந்துவீச்சாளர்களில் அர்ஷ்தீப் சிங் 107 விக்கெட்டுகளை வீழ்த்தி முதலிடத்திலும் பும்ரா இரண்டாவது இடத்தில் காணப்படுகின்றனர்.
