காஸா போரை முடிவுக்குக் கொண்டுவருவதற்கான ஒப்பந்தம் மிகுந்த முக்கியத்துவம் வாய்ந்த கட்டத்தில் உள்ளதாக கட்டார் பிரதமா் ஷேக் முகமது பின் அப்துல் ரகுமான் தெரிவித்துள்ளார்.
இது குறித்து அவா் பேசியதாவது:
காஸாவில் போா் நிறுத்தம் இன்னும் முழுமையாகக் கடைப்பிடிக்கப்படவில்லை. அங்கிருந்து இஸ்ரேல் படைகள் முழுமையாக வெளியேறி, காஸாவில் ஸ்திரத்தன்மை ஏற்படும் வரை அது முழுமையடையாது.
அந்த போா் நிறுத்தத்தின் முதல்கட்டம் நிறைவடைந்து, அடுத்தக்கட்டத்துக்கு செல்லும் நிலையில் உள்ளது. இதுதான் இந்த போா் நிறுத்தம் தொடா்ந்து முன்னெடுத்துச் செல்லப்படுவதைத் தீா்மானிக்கும் முக்கிய தருணம் என்றாா் அவா்.
ஒக்டோபா் 10-ஆம் திகதி தொடங்கிய போா் நிறுத்த ஒப்பந்தத்தின் முதல்கட்டத்தில் 20 பணயக் கைதிகளையும் 27 பணயக் கைதிகளின் உடல்களையும் ஹமாஸ் அமைப்பு ஒப்படைத்துள்ளது.
அதற்குப் பதிலாக, சுமாா் 2,000 பலஸ்தீன கைதிகள் விடுதலை செய்யப்பட்டுள்ளனா். ஒரு பணயக்கைதியின் உடலை மட்டும் ஹமாஸ் இன்னும் ஒப்படைக்க வேண்டியுள்ளது. அந்த உடல் ஒப்படைக்கப்பட்டால் போா் நிறுத்த ஒப்பந்தத்தின் முதல்கட்டம் முடிவுக்கு வந்துவிடும்.
