இங்கிலாந்து முன்னாள் துடுப்பாட்ட வீரர் ரொபின் ஸ்மித் தனது 62 ஆவது வயதில் அவுஸ்திரேலியாவில் தனது இல்லத்தில் வைத்து காலமானார்.
தென்னாபிரிக்காவில் பிறந்த ஸ்மித் இங்கிலாந்து சார்பில் 62 டெஸ்ட் மற்றும் 71 ஒருநாள் சர்வதேச போட்டிகளில் 13 சதங்களை பெற்றுள்ளார்.
1980 மற்றும் 90 களில் வலுவான வேகப்பந்துகளை துணிச்சலாக எதிர்கொண்ட வீரர் என அவர் பெயர்பெற்றவராவார். 1988 தொடக்கம் 1996 வரை சர்வதேச கிரிக்கெட் போட்டிகளில் ஆடிய அவர் பெற்ற ஒன்பது டெஸ்ட் சதங்களில் மூன்று சதங்கள் மேற்கிந்திய தீவுகளுக்கு எதிராக பெற்றவையாகும்.
ஒருநாள் போட்டிகளில் 1993 இல் அவுஸ்திரேலியாவுக்கு எதிரான ஆட்டத்தில் ஸ்மித் பெற்ற 167 ஓட்டங்களும் 2016 ஆம் ஆண்டு பாகிஸ்தானுக்கு எதிரான அலெக்ஸ் ஹேல் 171 ஓட்டங்களை பெற்று முறியடிக்கப்படும் வரை இங்கிலாந்து வீரர் ஒருவரின் சாதனையாக இருந்தது.
மத்திய வரிசை துடுப்பாட்ட வீரரான ஸ்மித் டெஸ்ட் போட்டிகளில் 43.67 ஓட்ட சராசரியை பெற்றிருந்தது குறிப்பிடத்தக்கது.
ஓய்வுக்கு பின்னர் மன அழுத்தம் மற்றும் மதுபான பழக்கத்திற்கு அடிமையானது பற்றி கடந்த வாரமே அவர் பத்திரிகை ஒன்றுக்கு பேட்டி அளித்திருந்தார்.
இந்த நிலையில் இன்றைய தினம்(04) தனது இல்லத்தில் வைத்து காலமானார்.
