கியூபெக் அரசாங்கத்திற்கும் மருத்துவர்களுக்கும் இடையிலான ஒப்பந்தப் பேச்சுவார்த்தைகள் முறிவடைந்துள்ளதாக அறிவிப்பு!

கியூபெக் அரசாங்கத்திற்கும் அங்குள்ள மருத்துவர்களுக்கும் இடையிலான சம்பளம் மற்றும் பணிச்சூழல் குறித்த ஒப்பந்தப் பேச்சுவார்த்தைகள்
முழுமையாக முறிவடைந்துள்ளதாக அறிவிக்கப்பட்டுள்ளது.

இதனையடுத்து, குடும்ப மருத்துவர்கள் மற்றும் சிறப்பு மருத்துவர்கள் என இரு தரப்பு கூட்டமைப்புகளும் உடனடி அழுத்த நடவடிக்கைகளைத் தொடங்கியுள்ளன.
குடும்ப மருத்துவர்களைப் பிரதிநிதித்துவப்படுத்தும் Fédération des Médecins omnipresence’s du Québec (FMOQ) கூட்டமைப்பு, மத்தியஸ்தப் பேச்சுவார்த்தையில் இருந்து வெளியேறுவதாக அறிவித்துள்ளது.

அத்துடன், ஒன்டாரியோவில் உள்ளதைப் போல, இந்தச் சிக்கலானது தீர்த்து வைக்கப்படுவதற்காக, ஒரு சுயாதீன மத்தியஸ்தரிடம் (independent arbitrator) ஒப்படைக்கப்பட வேண்டும் என்று, அந்த கூட்டமைப்பு கோரிக்கை விடுத்துள்ளது. அத்துடன், இன்றிலிருந்து மருத்துவ மாணவர்களுக்குக் கற்பிக்கும்
நடவடிக்கைகளைப் புறக்கணிக்கப் போவதாகவும், குடும்ப மருத்துவர்களைப் பிரதிநிதித்துவப்படுத்தும் Fédération des Médecins omnipresence’s du Québec (FMOQ) கூட்டமைப்பு அறிவித்துள்ளது.

சிறப்பு மருத்துவர்களைப் பிரதிநிதித்துவப்படுத்தும் Fédération des médecins spécialistes du Québec (FMSQ) கூட்டமைப்பும் மத்தியஸ்தப் பேச்சுவார்த்தையில் தமது பங்கேற்பைத் தற்காலிகமாக நிறுத்தி வைத்துள்ளது.