அமெரிக்காவுக்கும், கனடாவுக்கும் இடையிலான நீண்டகால உறவு தற்போது புதிய திசையில் பயணித்து வருவதாக சமீபத்திய தரவுகள் தெரிவிக்கின்றன.
அமெரிக்க அதிபர் டொனால்ட் டிரம்ப் கொண்டு வந்த கடுமையான வர்த்தக வரிகளுக்கும், கனடா குறித்து அவர் தெரிவித்த விமர்சனங்களுக்கும் பின்னரான காலப்பகுதியில், கனடிய மக்கள் அமெரிக்காவுடனான தங்கள் உறவில் இருந்து படிப்படியாக விலகிச் செல்வதாகப் பல ஆய்வுகள் காட்டுகின்றன.
பயணம், வர்த்தகம், மற்றும் கலாசார நுகர்வு ஆகிய துறைகளில் சேகரிக்கப்பட்ட தரவுகள் மீதான ஆய்வின் முடிவுகள், கனடியர்கள் அமெரிக்காவிலிருந்து பெருமளவு விலகி வருவதை தெளிவாகக் காட்டுகின்றன.
டிரம்பின் வர்த்தகப் போர் மற்றும் “51-வது மாநிலம்” என்ற அவரது கேலிப் பேச்சுக்குப் பிறகு, கனடியர்கள் அமெரிக்காவுக்குப் பயணிப்பதைக் குறைத்துள்ளனர்.
இதன் விளைவாக, பல விமான நிறுவனங்கள் கனடாவுக்கும் அமெரிக்காவுக்குமான விமானச் சேவைகளை ரத்து செய்துள்ளன.
அமெரிக்காவுக்கான கனடாவின் ஏற்றுமதிகள் குறைந்துள்ள அதேவேளையில், கனேடிய உற்பத்திகளை மற்ற வெளிநாடுகளுக்கு ஏற்றுமதி செய்யும் நடவடிக்கைகள் அதிகரித்துள்ளமையும் குறிப்பிடத்தக்கது.
