10 மீட்டர் உயரமான “ட்ரான்ஸ் ஆம் ராப்சர்” (Trans Am Rapture) என்ற கலைப்படைப்பு, வான்கூவர் நகரின் கிரான்வில் பாலம் அருகேயுள்ள கிரான்வில் லூப் பூங்காவில் மீண்டும் நிறுவப்பட்டு வருகிறது.
சிதைந்த கார்கள் மற்றும் பழமையான ஒரு தேவதாரு மரத்தின் அடிப்பகுதியைக் கொண்டு இந்த சிற்பம் உருவாக்கப்பட்டுள்ளது.
இந்த “பிரமாண்டமான” சிற்பம் அமைதியான குடியிருப்புப் பகுதிக்குள் உரிய அறிவிப்பு மற்றும் ஆலோசனைகள் இன்றி கொண்டுவரப்படுவதாக கூறி, அப்பகுதி மக்கள் கடும் எதிர்ப்பு தெரிவித்து வருகின்றனர்.
இந்த கலைப்படைப்பு, தாங்கள் வசிக்கும் குடியிருப்புப் பகுதிக்கு பொருத்தமற்றது என்றும், அது நகரத்தின் “சேமிப்புக் கிடங்கு” போல் தங்கள் பகுதியை நடத்துவதாகவும் மக்கள் குற்றம் சாட்டுகின்றனர்.
முன்னர் “ட்ரான்ஸ் ஆம் டோட்டம்” என அறியப்பட்ட இந்த கலைப்படைப்பு, மார்கஸ் பவ்காட் மற்றும் ஹெலன் ஆஸ்பினால் ஆகிய கலைஞர்களால் உருவாக்கப்பட்டது.
வாகன கலாசாரம் மற்றும் நகர்ப்புற வாழ்க்கை சுற்றுச்சூழலில் ஏற்படுத்தும் அழுத்தங்கள் குறித்த ஒரு விமர்சனமாக இது வடிவமைக்கப்பட்டமை சுட்டிக்காட்டத்தக்கது.
