சமூக ஊடக தளங்களில் தேர்தல் தொடர்பில் பரவும் தவறான தகவல்கள் குறித்து கண்காணிக்கப்படுவதாக கனேடிய தேர்தல் தலைமையகம் தெரிவித்துள்ளது.
வெளிநாட்டு தலையீடு மற்றும் தவறான தகவல் ‘நமது ஜனநாயகத்திற்கு மிகப்பெரிய ஆபத்து’ எனவும் தெரிவிக்கப்பட்டுள்ளது.
கனடா தேர்தல் பிரச்சார காலத்தில் பகிரப்படும் தவறான தகவல்கள் குறித்த கவலைகளை நிவர்த்தி செய்யும் முயற்சியில் சமூக ஊடக தளங்களுடன் தொடர்பில் இருப்பதாக தேர்தல் கனடாவின் தலைவர் தெரிவித்துள்ளார்.
தலைமை தேர்தல் அதிகாரி ஸ்டீபன் பெரால்ட் இன்று செய்தியாளர்களிடம் கருது தெரிவிக்கையில் , ”
இந்தத் தேர்தலை பாதுகாப்பான தேர்தலாக மாற்ற அவர்களின் ஆதரவைப் பெறுவதற்காக” X மற்றும் TikTok போன்ற சமூக ஊடக தளங்களைத் தொடர்பு கொண்டுள்ளதாகக் தெரிவித்துள்ளார். குறித்த தளங்களில் இருந்து இதுவரை கிடைத்த பதிலில் திருப்தி அடைந்துள்ளதாக அவர் தெரிவித்துள்ளார்.
“தேர்தலின் போது உண்மையில் என்ன நடவடிக்கை எடுக்கப்படுகிறது என்பதைப் பார்ப்போம். அவர்கள் தலையிட வேண்டியதில்லை என்று நம்புகிறோம், ஆனால் சிக்கல்கள் இருந்தால், அவர்கள் தங்கள் வார்த்தையை உண்மையாகக் கடைப்பிடிப்பார்கள் என்று நம்புகிறோம்,”எனவும் தலைமை தேர்தல் அதிகாரி ஸ்டீபன் பெரால்ட் தெரிவித்துள்ளார்.
சீனாவுக்கு சொந்தமான தாய் நிறுவனமான TikTok, ஞாயிற்றுக்கிழமை வெளிட்ட ஒரு செய்தி வெளியீட்டில், “கனடாவின் கூட்டாட்சி தேர்தல் காலத்தில் TikTok தளத்தைப் பாதுகாப்பதற்கான எங்கள் முயற்சிகளை விரைவுபடுத்துகிறது” என தெரிவித்துள்ளது.
“இதைச் செய்வதற்கு எங்களுக்கு பல வழிகள் உள்ளன – குடிமை மற்றும் தேர்தல் செயல்முறைகள் பற்றிய தீங்கு விளைவிக்கும் தவறான தகவல்களை நீக்குவதன் மூலம் தேர்தல்களின் நேர்மையைப் பாதுகாப்பது, உள்ளடக்கத்தின் துல்லியத்தை மதிப்பிடுவதற்கு உண்மைச் சரிபார்ப்பாளர்களுடன் கூட்டு சேர்வது மற்றும் சரிபார்க்க முடியாத கூற்றுக்களை லேபிளிடுவது உட்பட,” பல்வேறுபட்ட நடவடிக்கைகள் மேற்கொள்ளப்படும் என குறித்த அறிக்கையில் தெரிவிக்கப்பட்டுள்ளது.
பொதுவாக வாக்களிப்பு செயல்முறை பற்றிய தவறான தகவல்களைத் தேடும் மற்றும் பரப்பும் கனடியர்களை பெரால்ட் கடுமையாக எச்சரித்துள்ளார்.
“கனடியர்கள் கூட்டாட்சி தேர்தல் செயல்முறை பற்றிய தகவல்களின் அதிகாரப்பூர்வ ஆதாரமாக தேர்தல் கனடாவைப் பயன்படுத்த ஊக்குவிக்கிறேன்,” என்று அவர் இன்று செய்தியாளர்களிடம் தெரிவித்துள்ளார்.
“கனடியர்கள் தங்கள் சமூக ஊடக ஊட்டம் தாங்கள் படிப்பதை ஆணையிட அனுமதிக்க வேண்டாம் என்றும் நான் ஊக்குவிக்கிறேன்.”
“எலக்டோஃபாக்ட்ஸ்” ElectoFacts”என அழைக்கப்படும் ஒரு புதிய ஆன்லைன் கருவியை நிறுவனம் அறிமுகப்படுத்துகிறது எனவும் – இது ஆன்லைனில் பரவும் தவறான தகவல்களைப் பட்டியலிட்டு நீக்குகிறது.எனவும் கனடாவின் தலைமை தேர்தல் அதிகாரி ஸ்டீபன் பெரால்ட் தெரிவித்துள்ளார்.
