சக்தித் திருமகன்’ திரைப்படத்தின் பாடல்கள் நாளை

நான்’ திரைப்படத்தின் மூலம் இசையமைப்பாளர் விஜய் ஆண்டனி கதாநாயகனாக தமிழ் சினிமாவில் அறிமுகமானார்.

இவரது நடிப்பில் உருவான ‘சலீம், ‘பிச்சைக்காரன்’ ஆகிய திரைப்படங்கள் மிகப்பெரிய வெற்றியைப் பெற்றன.
சமீபத்தில் விஜய் ஆண்டனி நடிப்பில் வெளியான ‘மார்கன்’ திரைப்படமும் மக்களிடையே வரவேற்பைப் பெற்றது.

இந்த நிலையில், அருண் பிரபு இயக்கத்தில் விஜய் ஆண்டனியின் 25ஆவது திரைப்படமான ‘சக்தித் திருமகன்’ திரைப்படத்தின் பாடல்கள் நாளை வெளியாகும் என படக்குழு அறிவித்துள்ளது.

இத்திரைப்படத்திற்கு விஜய் ஆண்டனியே இசையமைத்துள்ளார். அவருக்கு ஜோடியாக த்ரிப்தி நடித்திருக்கிறார்.
இத்திரைப்படம் செப்டெம்பர் மாதம் 5ஆம் திகதி திரைக்கு வரவுள்ளது.