ஆர்.டி.எக்ஸ் திரைப்படத்தின் மூலம் மிகப்பெரிய வெற்றியைப் பதிவு செய்த இயக்குநர் நஹாஸ் ஹிதாயத் இயக்கத்தில், துல்கர் சல்மான் முதன்மை நாயகனாக நடித்து தயாரித்துள்ள பிரம்மாண்ட மலையாள ஆக்ஷன் த்ரில்லர் திரைப்படம் ‘ஐ எம் கேம்’.
சூதாட்டம், பந்தயம் மற்றும் கிரிக்கெட் விளையாட்டின் பின்னணியில் உருவாக்கப்பட்டுள்ள இத்திரைப்படம், தன் உயிரை விட அதிர்ஷ்டத்தையே பெரிதாக நம்பி வாழும் ஒரு தனிநபரின் விறுவிறுப்பான வாழ்க்கைக்கதையை மையமாகக் கொண்டு நகர்கிறது.
இப்படத்தில் துல்கர் சல்மானுடன் இணைந்து கயாடு லோஹர், பிரபல இயக்குநர் மிஷ்கின், ஆண்டனி வர்கீஸ், சம்யுக்தா விஸ்வநாதன், வினய் ஃபோர்ட் மற்றும் கதிர் ஆகியோர் முக்கியக் கதாபாத்திரங்களில் நடித்துள்ளனர்.
ஜேக்ஸ் பிஜாய் இசையமைத்துள்ள இத்திரைப்படத்தின் வெளியீடு முன்னதாக ஆகஸ்ட் 20-ஆம் தேதி திட்டமிடப்பட்டிருந்த நிலையில், தற்போது செப்டம்பர் 3-ஆம் தேதிக்கு ஒத்திவைக்கப்பட்டு திரையரங்குகளில் வெளியாகவுள்ளது.
திரைப்படத்தின் வெளியீட்டுத் தேதி நெருங்கி வரும் சூழலில், ரசிகர்களின் எதிர்பார்ப்பை அதிகரிக்கும் வகையில் இதன் இரண்டாவது பாடலான ‘லூசர்’ பாடல் தற்போது உத்தியோகபூர்வமாக வெளியிடப்பட்டுள்ளது.
சுஹைல் கோயா வரிகளில் உருவாகியுள்ள துள்ளலான இப்பாடலை நாயகன் துல்கர் சல்மானே இணைந்து பாடியிருப்பது ரசிகர்களைப் பெரிதும் கவர்ந்து இணையத்தில் வைரலாகி வருகிறது.
