மொன்றியல் நகரின் பெரி வீதியின் (Berri Street) மறுசீரமைப்புத் திட்டங்களில் மாற்றங்கள் செய்யப்பட்டுள்ள போதிலும், இத்திட்டம் குறித்த நேரத்திலும் நிர்ணயிக்கப்பட்ட வரவுசெலவிற்குள்ளும் நிறைவேற்றப்படும் என, மொன்றியல் மேயர் சொராயா மார்டினெஸ் பெராடா (Soraya Martinez Ferrada) தெரிவித்துள்ளார்.
டி மைசோன்னியூவ் வீதிக்கும் (De Maisonneuve Boulevard) ஒன்டாரியோ வீதிக்கும் (Ontario Street) இடைப்பட்ட பகுதிக்கான புதிய வரைபடங்களை மொன்றியல் மாநகரசபை வெளியிட்டுள்ளது.
பொதுமக்கள் கூட்டத்தில் உரையாற்றிய மேயர், “தாம் மிகவும் துணிச்சலான சில முடிவுகளை எடுத்துள்ளதாகக் குறிப்பிட்டுள்ளார்.
வில்லேஜ் (Village) மற்றும் குவார்ட்டியர் லத்தீன் (Quartier Latin) ஆகிய பகுதிகளை இணைக்கும் முக்கியப் பகுதியில், போக்குவரத்து வசதி மற்றும் நகர்ப்புற வடிவமைப்புப் பாதுகாப்பை மையமாகக் கொண்டு இந்தத் திட்டம் திருத்தப்பட்டுள்ளதாக அவர் குறிப்பிட்டார்.
புதிய திட்டத்தின்படி, ஐந்து மீட்டர் அகலமுள்ள இருவழிச் சைக்கிள் பாதையும், ஒன்பது மீட்டர் அகலமுள்ள நடைபாதைகளும் அமைக்கப்படவுள்ளன.
இந்தக் கட்டமைப்பு நாளொன்றுக்கு 8,000-க்கும் மேற்பட்ட சைக்கிள் ஓட்டிகளும், ஆயிரக்கணக்கான பாதசாரிகளும் பயணிக்கும் வகையில் வடிவமைக்கப்பட்டுள்ளது.
பழைய பேருந்து நிலையத்தை வீடமைப்புத் திட்டமாக மாற்றும் ‘இலொட் வொயேஜர்’ (Îlot Voyageur) திட்டத்தின் மூலம், இப்பகுதிக்கு ஆயிரக்கணக்கான புதிய குடியிருப்பாளர்கள் வருவார்கள் என எதிர்பார்க்கப்படுகிறது.
நிறைவேற்றுக் குழுத் தலைவரும் வில்லே-மாரி நகர சபை உறுப்பினருமான கிளோட் பினார்ட் (Claude Pinard), இப்பகுதியை கிழக்கு மொன்றியலின் நுழைவாயில் என வர்ணித்ததுடன், புதிய திட்டம் அதைக் கண்கவர் நுழைவாயிலாக மாற்றும் என்று தெரிவித்துள்ளார்.
