கியூபெக் (Quebec) மாகாணத்தில் ஆங்கில மொழி உயர்கல்வி நிலையங்களுக்கான (CEGEPs) மாணவர் சேர்க்கையைக் கட்டுப்படுத்தும் புதிய சட்டமூலம் எதிர்வரும் 2027ஆம் ஆண்டு சட்டமன்றத்தில் சமர்ப்பிக்கப்படவுள்ளது.
கியூபெக்கை ஆளும் ‘பார்ட்டி கியூபெக்வா’ (Party Québécois – PQ) அரசாங்கம் இந்தத் தகவலை அறிவித்துள்ளது.
கியூபெக்கின் பிரெஞ்சு மொழிப் பட்டயச் சட்டம் நிறைவேற்றப்பட்டு அடுத்த ஆண்டுடன் 50 ஆண்டுகள் நிறைவடைவதை முன்னிட்டு, அந்தச் சட்டத்தில் திருத்தங்களைக் கொண்டுவர அரசாங்கம் திட்டமிட்டுள்ளதாக பிரெஞ்சு மொழி அமைச்சர் பாஸ்கல் பெருபே (Pascal Bérubé) ஊடகவியலாளர்களிடம் தெரிவித்தார்.
பிரெஞ்சு மொழியை மேலும் பாதுகாப்பதற்கான ‘கடுமையான’ நடவடிக்கைகள் இந்தப் புதிய சட்டமூலத்தில் உள்ளடக்கப்படும் எனக் குறிப்பிட்ட அவர், சட்டரீதியாக ஆங்கிலத்தில் கல்வி கற்கத் தகுதியுடைய மாணவர்கள் மாத்திரமே ‘சீஜெப்’ (CEGEP) எனப்படும் இளநிலை கல்லூரிகளில் இணைந்து கொள்ள முடியும் வகையில் கட்டுப்பாடுகள் விதிக்கப்படும் என்று குறிப்பிட்டுள்ளார்.
“பிரெஞ்சு மொழி தொடர்ந்தும் உயிர்ப்புடன் இருப்பதையும், அது என்றென்றும் நிலைத்திருப்பதையும் உறுதி செய்வதற்கு தாம் அனைவரையும் நம்பியிருப்பதாகவும் அமைச்சர் பெருபே குறிப்பிட்டுள்ளார்.
எனினும், கியூபெக் சட்டமன்றத்தில் பார்ட்டி கியூபெக்வா (PQ) ஒரு சிறுபான்மை அரசாங்கமாக இருப்பதால், இந்தத் திருத்தச் சட்டமூலத்தை நிறைவேற்றுவதற்கு குறைந்தபட்சம் ஒரு எதிர்க்கட்சியின் ஆதரவேனும் அவசியம் என்னும் நிலையே காணப்படுகின்றது.
