மட்டக்களப்பு மயிலத்தமடு – மாதவனை பண்ணையாளர்கள்களின் பிரச்சினை தொடர்பில் மாபெரும் ஆர்ப்பாட்டம் ஒன்று இன்றையதினம் இன்றையதினம் முன்னெடுக்கப்பட்டிருந்தது.
இப்போராட்டமானது மட்டக்களப்பு கச்சேரிக்கு முன்னால் இடம்பெற்றதுடன், குறித்த பண்ணையாளர்களுக்கான நீதியை அரசாங்கம் வழங்க வேண்டும் எனவும் கூறப்பட்டுள்ளது.
இதன்படி இவ் ஆர்ப்பாட்டத்தில் மட்டக்களப்பு மாவட்ட பாராளுமன்ற உறுப்பினர் ஞா.சறிநேசன், இ.ஸ்ரீநாத் , முன்னாள் பாராளுமன்ற உறுப்பினர்களான பா.அரியநேத்திரன், செ.கஜேந்திரன், சீ.யோகேஸ்வரன், அரிசாகிர் மௌலானா, மட்டக்களப்பு மாநகர மேயர் சிவம், பாக்கியநாதன், பாஸ்கரன், வேலன் சுவாமிகள் , உள்ளுராட்சி மன்ற தலைவர்கள், உறுப்பினர்கள், பண்ணையாளர்கள், பொதுமக்கள் என பலரும் கலந்துக் கொண்டனர்.
குறித்த ஆர்ப்பாட்டத்தில் மக்களின் கோரிக்கைக்கு தீர்வு வேண்டும், மேய்ச்சல் தரை ஆக்கிரமிப்பை உடன் நிறுத்து, பண்ணையாளர்கள் வாழ்வாதாரத்தை அழிக்காதே, சட்டவிரோத குடியேற்றவாசிகளை வெளியேற்று என பதாதைகளை ஏந்தியவாறும், கோஷமிட்டும் தங்களின் பிரச்சினைகளை வெளிப்படுத்தினர்.
இந்த போராட்டத்தை முன்னின்று நடாத்திய 11 பேருக்கு எதிராக நீதிமன்றம் தடை உத்தரவு பிறப்பித்துள்ளது.
இதில் நாடாளுமன்ற உறுப்பினர் ஸ்ரீநேசன், ஸ்ரீநாத், அருட்பணி லுக்ரோன் பாதர், சிவில் சமூக செயற்பாட்டு ஒன்றியத் தலைவர் சிவயோகநாதன், பண்ணையாளர் சங்க தலைவர் நிமலன், விவசாயிகள் சம்மேளன தலைவர் மோகன் ஆகியோருக்கு இந்த தடை உத்தரவு பிறப்பிக்கப்பட்டுள்ளது.
