இந்தியாவில் இருந்து இலங்கைக்கு நாடு கடத்தப்பட்ட கிருஷ்ணகுமார் கந்தசாமி, கட்டுநாயக்க சர்வதேச விமான நிலையத்தில் கைது செய்யப்பட்ட நிலையில், யாழ்ப்பாணம் மல்லாகம் நீதிமன்றத்தில் முன்னிலைப்படுத்தப்பட்ட பின்னர் விடுதலை செய்யப்பட்டுள்ளார்.
கடந்த ஒக்டோபர் 26ஆம் திகதி இந்தியாவில் இருந்து இலங்கையை வந்தடைந்த அவர், பயங்கரவாதப் புலனாய்வுப் பிரிவினரால் கைது செய்யப்பட்டு விசாரணைக்கு உட்படுத்தப்பட்டதாகச் செய்திகள் வெளியாகின.
கிருஷ்ணகுமார் கடந்த 2015ஆம் ஆண்டு இந்தியாவில் கைது செய்யப்பட்டிருந்தார். தமிழீழ விடுதலைப் புலிகள் அமைப்பை மீண்டும் ஒருங்கிணைக்க முயன்றதாக அவர் மீது குற்றச்சாட்டுகள் முன்வைக்கப்பட்டதாகத் தெரிவிக்கப்படுகிறது.
இந்த நிலையில், இன்று 29ம் திகதி மல்லாகம் நீதிமன்றத்தில் முன்னிலைப்படுத்தப்பட்டு விடுதலை செய்யப்பட்டுள்ளதாக எமது செய்தியாளர் தெரிவித்தார்.
