பன்முகத் திறமை கொண்ட முன்னணி நடிகர் துல்கர் சல்மான் நடிப்பில் உருவாகியுள்ள ‘ஏ ஒ டி’ (AOT) திரைப்படம் வரும் நவம்பர் 20-ஆம் தேதி உலகெங்கும் உள்ள திரையரங்குகளில் வெளியாகிறது.
இத்திரைப்படம் தமிழ், தெலுங்கு, இந்தி மற்றும் மலையாளம் ஆகிய மொழிகளில் அகில இந்திய அளவில் வெளியாகவுள்ளது.
‘மகாநதி’, ‘சீதா ராமம்’, ‘கல்கி 2898 AD’ போன்ற வெற்றித் திரைப்படங்களைத் தொடர்ந்து, ஸ்வப்னா சினிமா மற்றும் கீதா ஆர்ட்ஸ் நிறுவனங்களுடன் துல்கர் சல்மான் மீண்டும் இத்திரைப்படத்தின் மூலம் இணைந்துள்ளார்.
லைட்பாக்ஸ் மீடியா சார்பில் சந்தீப் குன்னம் மற்றும் ரம்யா குன்னம் இப்படத்தைத் தயாரித்துள்ளனர்.
தனித்துவமான கதைகளைத் தேர்ந்தெடுத்து நடிக்கும் துல்கர் சல்மான், இத்திரைப்படத்திலும் கதையின் ஆழத்தை நம்பி களம் இறங்கியுள்ளார்.
இப்படத்தில் மிக முக்கிய கதாபாத்திரத்தில் ஸ்ருதி ஹாசன் நடித்துள்ளார். மேலும், அறிமுக நடிகையான சாத்விகா வீரவல்லியும் முக்கியக் கதாபாத்திரத்தில் நடித்துள்ளார்.
பவன் சாதினேனி இப்படத்தை இயக்க, பிரபல எழுத்தாளர் கங்கராஜு குன்னம் கதையை எழுதியுள்ளார்.
இப்படத்திற்கு ஜி.வி. பிரகாஷ் குமார் இசையமைத்துள்ளார். சுஜித் சாரங் ஒளிப்பதிவு செய்துள்ள இப்படத்திற்கு ஸ்வேதா சாபு சரில் கலை இயக்கம் செய்துள்ளார்.
இப்படத்தின் டீசர் ஏற்கனவே வெளியாகி ரசிகர்கள் மத்தியில் எதிர்பார்ப்பை ஏற்படுத்தியுள்ளது குறிப்பிடத்தக்கது.
