கடந்த 2017 ஆம் ஆண்டு வெளியாகி மிகப்பெரிய வெற்றி பெற்ற ‘மரகத நாணயம்’ திரைப்படத்தின் இரண்டாம் பாகமான ‘மரகத நாணயம் 2’ படத்தின் படப்பிடிப்பு பணிகள் முழுமையாக நிறைவடைந்துள்ளதாகப் படக்குழுவினர் அதிகாரப்பூர்வமாக அறிவித்துள்ளனர்.
முதல் பாகத்தை இயக்கிய ஏ.ஆர்.கே. சரவணனே இத்திரைப்படத்தையும் இயக்கியுள்ளார்.
கதையின் முதன்மை நாயகனாக ஆதி நடித்துள்ள நிலையில், நிக்கி கல்ரானி, சத்தியராஜ், பிரியா பவானி சங்கர், ஆனந்தராஜ், முனீஷ்காந்த், டானியல் அனி போப் மற்றும் அருண்ராஜா காமராஜ் உள்ளிட்ட பலர் முக்கிய கதாபாத்திரங்களில் நடித்துள்ளனர்.
பேண்டசி காமெடி த்ரில்லர் பாணியில் உருவாகியுள்ள இத்திரைப்படத்திற்கு திபு நினன் தாமஸ் இசையமைத்துள்ளார்.
பெஷன் ஸ்டுடியோஸ், ஆக்சஸ் ஃபிலிம் ஃபேக்டரி மற்றும் குட் ஷோ ஆகிய நிறுவனங்கள் இணைந்து இப்படத்தை பிரம்மாண்டமாக தயாரித்துள்ளன.
படப்பிடிப்பு பணிகள் அனைத்தும் நிறைவடைந்துள்ள நிலையில், தற்போது இறுதிக்கட்டத் தொழில்நுட்பப் பணிகள் தீவிரமாக நடைபெற்று வருகின்றன.
இத்திரைப்படத்தின் வெளியீட்டுத் தேதி மற்றும் டிரெய்லர் குறித்த தகவல்கள் விரைவில் அறிவிக்கப்படும் என எதிர்பார்க்கப்படுகிறது.
