நான்கு கனேடியர்கள் உட்பட ஆறு பேர் பயணித்துக் கொண்டிருந்த Ontario Air Ambulance விமானத்தின் சிதைவுகள், அமெரிக்காவின் கடற்பரப்பில் கண்டுபிடிக்கப்பட்டுள்ளன.
அமெரிக்க Coast Guard தேடுதல் குழுவினர், Boston நகரிலிருந்து சுமார் 150 கிலோமீட்டர் தென்கிழக்கு கடலில் சிதைவுகளை கண்டுபிடித்துள்ளனர்.
கண்டுபிடிக்கப்பட்ட சிதைவுகள் மாயமான விமானத்துக்குச் சொந்தமானவை என்பதை Coast Guard உறுதிப்படுத்தியுள்ளது.
எனினும், விமானத்தில் பயணித்தவர்களின் நிலை தொடர்பான தகவல் இதுவரை வெளியாகவில்லை. அவர்களைத் தேடும் நடவடிக்கை தொடர்ந்து இடம்பெற்று வருகிறது.
மேலும், இரவு முழுவதும் நடைபெறவுள்ள தேடுதல் நடவடிக்கைக்கு Coast Guard cutter William Sparling கப்பல் தலைமையேற்கும் என தெரிவிக்கப்பட்டுள்ளது.
Bermuda-விலிருந்து Boston நோக்கிப் பயணித்துக் கொண்டிருந்தபோது, சனிக்கிழமை அதிகாலை அமெரிக்க Federal Aviation Administration – FAA விமானத்துடனான தொடர்பை இழந்ததைத் தொடர்ந்து தீவிர தேடுதல் நடவடிக்கை ஆரம்பிக்கப்பட்டது.
Gulfstream G100 ரகத்தைச் சேர்ந்த இந்த விமானம், Hamilton-ஐ தளமாகக் கொண்ட மருத்துவ அவசரப் போக்குவரத்து நிறுவனமான Latitude Air Ambulance நிறுவனத்துக்குச் சொந்தமானது என்பதும் குறிப்பிடத்தக்கது
