கனடாவில் இன்று, செப்டம்பர் 30ஆம் திகதி, National Day for Truth and Reconciliation அனுசரிக்கப்படுகிறது.
இதனையொட்டி, மொன்றியலின் முக்கிய அடையாளங்களில் ஒன்றான Samuel De Champlain Bridge இன்று மாலை விசேடமாக ஆரஞ்சு நிறத்தில் ஒளிரவுள்ளது.
கனடா அரசாங்கத்தின் தகவலின்படி, சூரிய அஸ்தமனத்திலிருந்து இரவு 9.30 மணி வரை பாலத்தின் விளக்குகள் ஆரஞ்சு நிறத்தில் ஒளிரும்.
இந்த நாள், கனடாவில் Indigenous மக்களின் வரலாறு, குறிப்பாக Residential School முறைமையால் பாதிக்கப்பட்ட முன்னாள் மாணவர்கள் மற்றும் அவர்களது குடும்பங்களின் அனுபவங்களை நினைவுகூரும் நாளாக அனுசரிக்கப்படுகிறது.
மொன்றியலில் மட்டுமன்றி, கனடாவின் பல்வேறு பகுதிகளிலும் இன்று நினைவு நிகழ்வுகள் மற்றும் விழிப்புணர்வு நடவடிக்கைகள் இடம்பெற்று வருகின்றன.
Samuel De Champlain Bridge-இன் விசேட ஆரஞ்சு விளக்கேற்றம் இரவு 9.30 மணியுடன் நிறைவடைந்து, அதன் பின்னர் பாலத்தின் வழக்கமான நீல-பச்சை நிற விளக்குகள் மீண்டும் ஒளிரும் என அதிகாரிகள் தெரிவித்துள்ளனர்.
