நாட்டின் அரசியலமைப்பின் 22 வது திருத்த சட்டமூலம் மற்றும் நீதித்துறை சட்டமூலம் ஆகியன இன்று விசேட பெரும்பான்மையுடன் சபாநாயகரின் தலைமையில் நிறைவேற்றப்பட்டுள்ளது.
இதன்படி இந்த சட்டமூலத்திட்கு ஆதரவாக 158 வாக்குகளும், இதட்கு எதிராக 63 வாக்குகளும் அளிக்கப்பட்டுள்ளமை குறிப்பிடத்தக்கது.
இலங்கையின் 22ஆவது அரசியலமைப்புத் திருத்தச் சட்டமூலம் மற்றும் நீதித்துறை திருத்தச் சட்டமூலம் தொடர்பான நாடாளுமன்ற நடவடிக்கைகள் இன்று நிறைவடைந்துள்ளன.
இந்தச் சட்டமூலம் தொடர்பாக முன்னதாக உச்ச நீதிமன்றம் தீர்மானம் வழங்கியிருந்தது. அதன்படி, 22ஆவது திருத்தச் சட்டமூலத்தை நிறைவேற்றுவதற்கு மக்கள் வாக்கெடுப்பு தேவையில்லை என்றும், நாடாளுமன்றத்தில் விசேட பெரும்பான்மை போதுமானது என்றும் அறிவிக்கப்பட்டிருந்தது.
இந்தத் திருத்தத்தின் முக்கிய அம்சங்களில், உச்ச நீதிமன்ற நீதிபதிகளின் ஓய்வுபெறும் வயதை 65 இலிருந்து 67 ஆகவும், மேன்முறையீட்டு நீதிமன்ற நீதிபதிகளின் ஓய்வுபெறும் வயதை 63 இலிருந்து 65 ஆகவும் உயர்த்துவதற்கான ஏற்பாடுகள் இடம்பெறுகின்றன.
அத்துடன், மேன்முறையீட்டு நீதிமன்றத்தின் நீதிபதிகளின் அதிகபட்ச எண்ணிக்கையை 19 இலிருந்து 24 ஆக அதிகரிக்கும் ஏற்பாடும் இதில் இடம்பெற்றுள்ளது.
இதேவேளை, Judicature (Amendment) Bill இன்று நாடாளுமன்றத்தில் நிறைவேற்றப்பட்டுள்ளது.
இந்தச் சட்டமூலம் சாதாரண பெரும்பான்மையுடன் நிறைவேற்றப்பட்டுள்ளது. வாக்கெடுப்பில் 158 நாடாளுமன்ற உறுப்பினர்கள் ஆதரவாகவும், 62 உறுப்பினர்கள் எதிராகவும் வாக்களித்துள்ளனர்.
இந்தச் சட்டமூலத்தின் மூலம் உயர் நீதிமன்ற நீதிபதிகளின் எண்ணிக்கையை 110 இலிருந்து 120 ஆக அதிகரிப்பதுடன், உயர் நீதிமன்ற நீதிபதிகளின் ஓய்வுபெறும் வயதை 61 இலிருந்து 63 ஆகவும், ஏனைய நீதிபதிகள் மற்றும் நீதவான்களின் ஓய்வுபெறும் வயதை 62 ஆகவும் மாற்றுவதற்கான ஏற்பாடுகள் செய்யப்பட்டுள்ளன.
இதன்மூலம், 22ஆவது அரசியலமைப்புத் திருத்தச் சட்டமூலம் தொடர்பான நாடாளுமன்ற சட்டமன்ற நடவடிக்கை நிறைவடைந்துள்ளதுடன், நீதித்துறை தொடர்பான இந்த இரு முக்கிய சட்டமூலங்களும் இன்று நிறைவேற்றப்பட்டுள்ளன.
