மொன்றியல் நகரிலுள்ள பிரபல ‘வில்லேஜ்’ (The Village) குடியிருப்புப் பகுதியில் நபர் ஒருவர் கூர்மையான ஆயுதத்தால் தாக்கப்பட்டமை குறித்த விசாரணைகள் முன்னெடுக்கப்பட்டுள்ளன.
இச்சம்பவத்தில், படுகாயமடைந்த நபர் உடனடியாக மீட்கப்பட்டு மருத்துவமனையில் அனுமதிக்கப்பட்டுள்ளார்.
தாக்குதல் நடைபெற்ற இடத்தில் தடயங்களைச் சேகரிக்கவும், சம்பவத்திற்கான காரணத்தைக் கண்டறியவும் பொலிஸாரின் மோப்ப நாய்ப் பிரிவு (Canine unit) மற்றும் தடயவியல் நிபுணர்கள் களமிறக்கப்பட்டுள்ளனர்.
இந்தக் கத்திக்குத்துச் சம்பவத்துடன் தொடர்புடைய சந்தேகநபர்கள் எவரும் இதுவரை கைது செய்யப்படவில்லை.
தாக்குதலுக்கான பின்னணி குறித்துத் தெளிவான தகவல்கள் கிடைக்காத நிலையில், அப்பகுதியில் உள்ள கண்காணிப்புக் கேமரா (CCTV) பதிவுகளை ஆய்வு செய்து மேலதிக விசாரணைகளை பொலிஸார் தீவிரப்படுத்தியுள்ளனர்.
